މުމްބާއިގެ ކަމާ ހޮސްޕިޓަލަށް ފަރްހާން ޕީޕީއި ކިޓް ހަދިޔާ ކޮށްފި
ޕީޕީއީ ހަދިޔާކުރި އަދަދެއް ހާމަކޮށްފައެއް ނުވޭ
ފަރްހާން އަޙްތަރު
މުމްބާއީގެ ކަމާ ހޮސްޕިޓަލަށް ބޮލީވުޑްގެ ތަރި ފަރްހާން އަޚްތަރު ޕާސަނަލް ޕްރޮޓެކްޓިވް އިކުއިޕްމެންޓް (ޕީޕީއީ) ހަދިޔާކޮށްފި އެވެ.
ފަރްހާން މިކަން ހާމަކޮށްފައި ވަނީ އޭނާގެ ޓްވިޓަރގަ އެވެ. ހަދިޔާކުރި ޕީޕީއީ ކިޓްގެ އަދަދު ހާމަ ނުކުރި ނަމަވެސް މި ޓްވީޓްގައި ޕީޕީއީ ހަދިޔާކުރުމަށް އެހީތެރިވި ފަރާތްތަކަށް ވަނީ ޝުކުރު އަދާކޮށްފަ އެވެ.
މީގެ ދުވަސްކޮޅެއް ކުރިން މުމްބާއީގެ ފުލުހުންނަށް ވެސް ފަރްހާން ވަނީ 1000 ޕާސަނަލް ޕްރޮޓެކްޓިވް އިކުއިޕްމެންޓް (ޕީޕީއީ) ހަދިޔާކޮށްފަ އެވެ. މި ޕީޕީއީ ތައް ހަދިޔާކޮށް ފަރްހާން ވަނީ އެހެން މީހުންވެސް މިފަދަ އެހީތައް ކުރުމަށް ގޮވާލާފަ އެވެ.
ފަރްހާންގެ ފިލްމީ ދާއިރާގެ މަސައްކަތްތަކަށް ބަލާލާއިރު އޭނާ ދެން އެންމެ އަވަހަށް ފެންނާނީ އޯމް ޕްރަކާޝްގެ ފިލްމު ''ޓޫފާން'' އިންނެވެ.
