ޖޫން 5 ވަނަ ދުވަހު، އަނޫރާގް ގެ "ޗޯކްޑް" ނެޓްފްލިކްސް އިން ފެންނާނެ

އަނޫރާގް ގެ ޗޯކްޑް ނެޓްފްލިކްސްގައި ރިލީޒް ކުރާން ނިންމިކަން ހާމަކޮށްފި އެވެ.

މި ފިލްމަކީ ނެޓްފްލިކްސް އަށް ހާއްސަކޮށްގެން ހަދާފައިވާ ފިލްމެކެވެ. މި ފިލްމު ނެޓްފްލިކްސް ގައި ރިލީޒް ކުރާނީ ޖޫން މަހުގެ ފަސް ވަނަ ދުވަހުގަ އެވެ.

"ޗޯކްޑް" ގެ ޑައިރެކްޓަރަކީ އަނޫރާގް އެވެ. މި ފިލްމުގައި ދައްކުވައިދެނީ،، ބޭންކް ކޭޝިއަރެއްގެ ވަޒީފާ އަދާކުރާ އަންހެނެއްގެ ބަދިދޭގެ ކަބަޑެއްގެ ތެރެއިން ގިނަ އަދަދެއްގެ ފައިސާތަކެއް ފެނިގެން އޭނާގެ ދިރިއުޅުމަށް އަންނަ ބަދަލުތަކުގެ ވާހަކަ އެވެ.

ފިލްމާއި ބެހޭގޮތުން ވާހަކަ ދައްކަމުން އަނޫރާގް ބުނީ މިއީ އޭނާއަށް ވަރަށް ޙާއްސަ ފިލްމެއް ކަމަށެވެ."ޗޯކްޑް" ގެ ތަރިންނަކީ ސައްޔާމީ ކޭރާއި ރޯޝަން މެތިއު އެވެ. ނެޓްފްލިކްސްގެ "ސެކްރެޑް ގޭމްސް" ވެސް ޑައިރެކްޓްކޮށްފައި ވަނީ އަނޫރާގް އެވެ.