އެންގޯލާގައި ކޮވިޑް-19ށް ހޭލުންތެރިކުވުމުގެ ޕްރޮގްރާމްއާ ދެކޮޅަށް އަޑު އުފުލި 17 އަހަރުގެ ކުއްޖެއް ގަޔަށް ސިފައިން ބަޑި ޖަހާ މަރާލައިފި އެވެ.
އަލްޖަޒީރާގައި ރިޕޯޓުކޮށްފައިވާ ގޮތުގައި އެންގޯލާގެ ސިފައިން ކޮވިޑް-19އާ ގުޅިގެން ފޭސް މާސްކް އެޅުމަށް ބާރު އަޅާ ރައްޔިތުންނަށް މައުލޫމާތު ދިނުމަށް ބޭއްވި އޮޕްރޭޝަނެއްގައި, 17 އަހަރުގެ ކުއްޖާ އެތަނުގައި ހުރެގެން އެކަމާއި ދެކޮޅަށް އަޑުއުފުލާފައިވާ ކަމަށެވެ.
އެ ގައުމުގެ ހޯމް އެފެއާޒް މިނިސްޓްރީން ބުނެފައިވަނީ އަޑު އުފުލަމުން ދިޔަ ކުއްޖާއަށް އަމާޒުކޮށް ސިފައިންގެ މީހަކު ބަޑި ޖެހުމުން ވަޒަން އަރާ އެ ކުއްޖާ މަރުވެފައިވާ ކަމަށެވެ. އަދި މި ހާދިސާ އިތުރަށް ތަހުގީގު ކުރަމުންދާ ކަމަށެވެ.
އެންގޯލާގެ ސަރުކާރުން ވަނީ އޭޕްރީލް މަހު ހުރިހާ ރައްޔިތުން ވެސް ފޭސް މާސްކް އެޅުން މަޖުބޫރު ކަމެއްގެ ގޮތުގައި ހަދާފަ އެވެ. މީގެ އިތުރުން ކޮވިޑް-19އާ ގުޅިގެން ސަރުކާރުން އަޅާފައިވާ ފިޔަވަޅުތައް ތަންފީޒު ކުރުމުގައި ސިފައިން ވަރަށް ހަރުކަށިކޮށް އަމަލުކުރަމުންދާ ކަމަށް ރިޕޯޓުކޮށްފައި ވެއެވެ.
