ރާއްޖެ
ކޮވިޑް-19 އަށް ޕޮޒިޓިވްވުން
ރާއްޖޭގައި ކޮވިޑް-19 އަށް ޕޮޒިޓިވްވި މީހުންގެ އަދަދު 1020 އަށް
29 ދިވެހިން ހިމެނޭ
އަލީ ސަމާޚް, ރާއްޖެ އެމްވީ | 15 މެއި 2020 | ހުކުރު 12:29
ކޮވިޑް-19 އަށް ޓެސްޓު ކުރަން އެޗްޕީއޭގެ ޓީމަކުން ހަރަކާތްތެެރިވަނީ
ރާއްޖެއިން އިތުރު 24 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، އިތުރު 38 މީހަކު ޕޮޒިޓިވްވެފައިވާ ކަމަށެވެ.
އޭގެ ތެރޭގައި ހިމެނެނީ 29 ދިވެހިންނާއި ބަންގްލަދޭޝްގެ 8 މީހުންގެ އިތުރުން ނޭޕަލުގެ އެކަކެވެ. މި އަދަދާއި އެކު ރާއްޖޭގައި ބައްޔަށް ޕޮޒިޓިވްވި މީހުންގެ އަދަދު ވަނި 1020 އަރާފައެވެ. ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން ގިނަ މީހުންނަކީ ބަންގްލަދޭޝް އަށް ނިސްބަތްވާ މީހުންނެވެ. ބަލި ޖެހިގެން މިހާތަނަށް ހަތަރު މީހަކު ވަނީ މަރުވެފައެވެ.
