ޕޮޕްކޯން ޗިކަން

ކޭއެފްސީގެ ޕޮޕްކޯން ޗިކަންވަނީ މިފަހަކަށް އައިސް ދިވެހިންގެ ތެރޭގައި ވަރަށް މަގުބޫލު ކެއުމަކަށް ވެފައެވެ. ގިނަ ބަޔަކަށް ކަމުދާނެ ޕޮޕްކޯން ޗިކަން ގޭގަވެސް ފަސޭހަކަމާއިއެކު ތައްޔާރުކޮށްލެވިދާނެ އެވެ. މިއީ ހުރިހާ އުމުރު ފުރަޔަކަށް ކަމުދާނެ، ތައްޔާރު ކޮށްލަން ވަރަށް ފަސޭހަ ރެސިޕީ އެކެވެ.

އެންމެ ފުރަތަމަ ކުކުޅުކޮޅު ކިއުބްކޮށް ކޮށާލާފައި ތައްޓެއްގައި ލޮނު، ފިޔާ އަދި ލޮނުމެދު ޕައުޑަރ، މުގުރި މިރުސް، އަސޭމިރުސް، ޕެޕްރިކާ އަދި ގަރަމް މަސާލާކޮޅަކާ އެކު މިކްސްކޮށްލާށެވެ. މިކްސް ވުމުން ފުށްކޮޅު ބުރުވާލާފައި އެއްކޮށްލާށެވެ.

ވަކިން ދެތައްޓަކަށް ބިހާއި ފާރޮށި ކުނޑި އަޅާށެވެ. ކުކުޅުކޮޅު ބިސް ތަށިތެރެޔަށް ލާފައި ފާރޮށި ކުނޑިން ކޯޓު ކުރަމުންދާށެވެ. އިތުރަށް ކްރަންޗީކުރަން ބޭނުމިއްޔާ ޑަބަލްކޮށް ކޯޓުކުރާށެވެ.

10 ވަރަކަށް މިނެޓް ކުކުޅުކޮޅު ރެސްޓުކުރުމަށް ފަހު ތެލުގައި ޑީޕް ފްރައި ކޮށްލާށެވެ. ކުކުޅުކޮޅު ރަނގަޅަށް ބްރައުން ވަންދެން ތެލުލާފައި، ޓިޝޫގަނޑެއްގެ މަތީގައި އަތުރާލާށެވެ.

ދެން ތައްޓެއްގައި އަތުރާލުމުން މިހިރީ މި ޑިޝް ތައްޔާރު ވެފައެވެ.