ފަސޭހައިން ގައިންގަޔަށް އަރާ ތިން ބައްޔެއް ފެތުރެނީ
މިދިޔަ މަހު 30 ވަނަ ދުވަހުން މި މަހުގެ 7 ވަނަ ދުވަހުގެ ނިޔަލަށް ލޮލުރޯގާގެ 337 ކޭސް ރިޕޯޓުކޮށްފައިވޭ
އައިޖީއެމްއެޗް
ފަސޭހައިން ގައިންގަޔަށް އަރާ ތިން ބައްޔެއް ފެތުރެމުންދާތީ ސަމާލުވުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭއިން ބުނީ ލޮލު ރޯގާ ޖެހިގެން ރިޕޯޓްކޮށްފައިވާ އަދަދު ކުރީ ހަފްތާއަށްވުރެ ވޭތުވެ ދިޔަ ހަފްތާގައި ދަށަށް ގޮސްފައިވާ ކަމަށެވެ. ލޮލުރޯގާ ޖެހިގެން އެންމެ ގިނައިން ރިޕޯޓްކޮށްފައިވަނީ މާލެ ސަރަހައްދުގެ އިތުރުން ލ އަދި ޏ އަތޮޅުން ކަމަށް އެޗްޕީއޭއިން ބުނެއެވެ.
އެގޮތުން މިދިޔަ މަހު 23 ވަނަ ދުވަހުން 29 ވަނަ ދުވަހުގެ ނިޔަލަށް ލޮލު ރޯގާގެ 407 ކޭސް ރިޕޯޓުކޮށްފައިވާއިރު، މިދިޔަ މަހު 30 ވަނަ ދުވަހުން މި މަހުގެ 7 ވަނަ ދުވަހުގެ ނިޔަލަށް 337 ކޭސް ރިޕޯޓުކޮށްފައިވާ ކަމަށް އެޗްޕީއޭއިން ބުނެއެވެ.
އެޗްޕީއޭއިން ބުނީ ފާނަބަސަންތު ޖެހިގެން ރިޕޯޓްކޮށްފައިވާ އަދަދު ވަނީ ކުރީ ހަފްތާއަށްވުރެ ވޭތުވެ ދިޔަ ހަފްތާގައިވެސް އިތުރުވެފައިިވާ ކަމަށެވެ. ފާނަބަސަންތު ޖެހިގެން އެންމެ ގިނައިން ރިޕޯޓްކޮށްފައިވަނީ މާލެ ސަރަހައްދުގެ އިތުރުން ޅ އަދި ސ އަތޮޅުން ކަމަށް އެޗްޕީއޭއިން ބުނެއެވެ.
އެޗްޕީއޭއިން ބުނީ މިދިޔަ މަހު 23 ވަނަ ދުވަހުން 29 ވަނަ ދުވަހުގެ ނިޔަލަށް ފާނަ ބަސަންތުގެ 94 ކޭސް، މިދިޔަ މަހު 30 ވަނަ ދުވަހުން މި މަހުގެ 7 ވަނަ ދުވަހުގެ ނިޔަލަށް 107 ކޭސް ރިޕޯޓުކޮށްފައިވާ ކަމަށް އެޗްޕީއޭއިން ބުނެއެވެ.
މީގެ އިތުރުން އެޗްޕީއޭއިން ބުނީ ހޭންޑް ފުޓް އެންޑް މައުތު ޖެހިގެން ރިޕޯޓްކޮށްފައިވާ އަދަދު ވަނީ ކުރީ ހަފްތާއަށްވުރެ ވޭތުވެ ދިޔަ ހަފްތާގައި އިތުވެފައިިވާ ކަމަށެވެ. ހޭންޑް ފުޓް އެންޑް މައުތު ޖެހިގެން އެންމެ ގިނައިން ރިޕޯޓްކޮށްފައިވަނީ މާލެ ސަރަހައްދުގެ އިތުރުން އދ އަތޮޅުން ކަމަށް ވެސް އެޗްޕީއޭއިން ބުނެއެވެ.
އެޗްޕީއޭއިން ބުނީ މިދިޔަ މަހު 23 ވަނަ ދުވަހުން 29 ވަނަ ދުވަހުގެ ނިޔަލަށް ހޭންޑް ފުޓް އެންޑް މައުތުގެ 11 ކޭސް ރިޕޯޓުކޮށްފައިވާއިރު، މިދިޔަ މަހު 30 ވަނަ ދުވަހުން މި މަހުގެ 7 ވަނަ ދުވަހުގެ ނިޔަލަށް 35 ކޭސް ރިޕޯޓުކޮށްފައިވާ ކަމަށެވެ.
އެޗްޕީއޭއިން ބުނީ މިދުވަސްވަރަކީ އެކިރޯގާތައް ފެތުރެމުންދާ ދުވަސްވަރެއް ކަމަށާއި، ހުރިހާ ފަރާތްތަކުން ބަލިން ރައްކާތެރިވުމަށް ސަމާލުވާންޖެހޭ ކަމަށެވެ. ރޯގާގެ އެއްވެސް އަލާމާތެއް ހުރިނަމަ މީހުން އެއްވެ އުޅޭ ތަންތަނަށް ނުދިއުމަށް އެޗްޕީއޭއިން އިލްތިމާސްކޮށްފައިވެއެވެ.
