ހެމްބާގް ސިޓީގެ ބަސް ސްޓޭޝަންގެ ތެރެއަށް ބަހެއް ވަދެ ނުރައްކާތެރި އެކްސިޑެންޓް ހިނގައިފި
13 މެއި 2020 | ބުދަ 23:26ސްޓޭޝަންގެ ތެރެއަށް ބަސް ވަދެފައިފައިވަނީ ކޮންޓްރޯލް ނެއްޓިގެން
ހެމްބާގް ފަޔަރ ޑިޕާޓްމެންޓުން މިހާރު ދަނީ މިބަސް ނެގުމުގެ މަސައްކަތް ކުރަމުން
ޖަރުމަނުގެ ހެމްބާގް ސިޓީގެ ބަސް ސްޓޭޝަންގެ ތެރެއަށް ކޮންޓްރޯލުން ނެއްޓި ބަހެއް ވަދެ ނުރައްކާތެރި އެކްސިޑެންޓް ހިނގައިފި އެވެ.
ބުދަ ދުވަހު ޖަރުމަނުގެ ހެމްބާގް ބާގެޑޯފް ބަސް ސްޓޭޝަންގެ ތެރެއަށް ކޮންޓްރޯލް ނެއްޓި ބަހެއް ވަދެފައިވާއިރު، އެބަހުގައި ޑްރައިވަރު ފިޔަވައި އެއްވެސް މީހަކު ނުވެ އެވެ. އަދި މި ނުރައްކާތެރި އެކްސިޑެންޓްގައި ބަސް ސްޓޭޝަންގެ ބޭރު ބިއްލޫރިގަނޑު ވަނީ ވަރަށް ބޮޑަށް ތަޅައިގެން ގޮސްފަ އެވެ.
އަލް-އަރަބިއްޔާ ގައި ރިޕޯޓުކޮށްފައިވާ ގޮތުގައި މިހާދިސާގައި ބަސް ދުއްވަން އިން ޑްރައިވަރަށް މާބޮޑު އަނިޔާއެއް ނުވާ ކަމަށާއި، އޭނާއަށް ލިބިފައިވާ އަނިޔާ ފަރުވާ ދީފައިވާ ކަމަށެވެ.އެ މީހާގެ އިތުރުން، ސްޓޭޝަންގެ ބިއްލޫރިގަނޑު ތަޅައިގެން ދިޔަ ވަގުތު ބިއްލޫރިގަނޑަކުން ޖެހި ސްޓޭޝަންގައި ހުރި މީހަކަށް އަނިޔާވެފައި ވެއެވެ.
