ލ.އަތޮޅު ކައުންސިލުން ދޫކޮށްފައިވާ ލޯނުތަކަށް ބޮޑެތި ލުއިތަކެއް ދިނުމަށް ނިންމައިފި
13 މެއި 2020 | ބުދަ 08:34ކުއްޔަށް ދޫ ކޮށްފައިވާ ބިންތަކުގެ ކުލި ތިން މަސް މައާފް ކޮށްދިނުމަށް ނިންމާފައިވޭ
ލ.އަތޮޅު ކައުންސިލް އިދާރާއިން ދަނީ ކޮވިޑް-19އާ ގުޅިގެން ރައްޔިތުންނަށް ލުއި ފަސޭހަ ކޮށްދިނުމަށް ގިނަ މަސައްކަތްތަކެއް ކުރަމުން
ލ. އަތޮޅު ކައުންސިލުން ދޫކޮށްފައިވާ ލޯނުތަކާއި، ކުއްޔަށް ދޫކޮށްފައިވާ ބިން ތަކުން ބޮޑެތި ލުއިތަކެއް ދިނުމަށް ނިންމައިފި އެވެ.
އަތޮޅު ކައުންސިލުން ބުނީ ކޮވިޑް-19އާ ގުޅިގެން އެ އިދާރާއިން ދޫކޮށްފައިވާ ލޯންތަކުގެ ފައިސާ، 2020 ފެބްރުއަރީ މަހުގެ ނިޔަލަށް ގަވާއިދުން ދައްކާފައިވާ ހުރިހާ ފަރާތްތަކަކަށް 2020 މާރޗް މަހުން ފެށިގެން 2020 އޮގަސްޓް މަހުގެ ނިޔަލަށް ލޯނުގެ ފައިސާ ދެއްކުން ފަސްކޮށް ދެވިފައިވާ ކަމަށެވެ. އަދި މި މުއްދަތުގައި އިންޓަރެސްޓް އަދި ޖޫރިމަނާގެ ގޮތުގައި އެއްވެސް އަދަދެއް އިތުރު ނުވާނެ ކަމަށް ކައުންސިލުން ބުނެއެވެ.
ބޮޑެތި ލުއި ތަކެއް ދިނުމަށް ނިންމާފައިވާ ލޯނުތަކަކީ، ޓްރަސްޓް ފަންޑް ލޯން، ސްޓޫޑަންޓް ލޯން އަދި އަތޮޅު ކޮމިޓީ ލޯނެވެ.
މީގެ އިތުރުން ކައުންސިލުން ބުނީ ފެބްރުއަރީ މަހުން ފެށިގެން މޭ މަހުގެ ނިޔަލަށް އަތޮޅު ކައުންސިލަށް ދައްކަން ޖެހޭ ޖޫރިމަނާ ފައިސާ ވެސް މަޢާފުކޮށްދީފައިވާ ކަމަށެވެ.
އަތޮޅު ކައުންސިލުން ކުއްޔަށް ދޫކޮށްފައިވާ ބިންތަކާ ބެހޭ ގޮތުން ކައުންސިލުން ބުނީ ކުއްޔަށް ދޫކޮށްފައި ހުރި ބިންތަކުގެ ކުލި ކޮވިޑް-19 އާއި ގުޅިގެން ވިޔަފާރިއަށް އަސަރުކޮށްފައިވާ ފަރާތްތަކަށް 2020 އޭޕްރީލް މަހުން ފެށިގެން 03 މަސްދު ވަހަށް މަޢާފުކޮށް ދިނުމަށް ނިންމާފައިވާ ކަމަށެވެ. އަދި 03 މަސް ދުވަހުގެ ކުލި މަޢާފު
ކޮށްދެވޭނީ ބިން ކުއްޔަށް ހިފާފައިވާ ފަރާތުން އެފަރާތުގެ ވިޔަފާރިއަށް އަސަރުކޮށްފައިވާ މިންވަރު ބަޔާންކޮށް ކުލި މަޢާފް ކޮށްދިނުމަށް އެދިinfo@laamu.gov.mvސިޓީއަކުން އެދުމުން ކަމަށް ކައުންސިލުން ބުނެއެވެ.
ކައުންސިލުން ބުނީ ކަނޑައެޅިފައިވާ މުއްދަތުތަކުގެ ފަހުން އެއިދާރާއަށް ދައްކަންޖެހޭ ފައިސާ އެކައުންޓް ނަންބަރު: 7707700363001 ޖަމާ/ޓްރާންފަރ ކުރުމަށްފަހު 7950713 ނަންބަރަށް ސްލިޕްކޮޅު ވައިބަރ ކުރުމަށް އެދޭ ކަމަށެވެ.
ކައުންސިލުން ބުނީ މޮބައިލް ބޭންކިންގ މެދުވެރިކޮށް ޓްރާންސްފަރ ކުރާނަމަ ރިމާކްސް ބައިގައި ފައިސާ ދައްކާ ފަރާތުގެ ނަމާއި އެޑްރެސް އަދި ކޮން ޚިދުމަތަކާއި ގުޅޭ ފައިސާއެއްކަން ހިމެނުމަށް އެދޭ ކަމަށެވެ. އަދި އޭޓީއެމް މެދުވެރިކޮށް ޖަމާކުރާނަމަ ސްލިޕްކޮޅު ވައިބަރ ކުރެއްވުމަށް ފަހު މައުލޫމާތު ފޮނުވުމަށް ކައުންސިލުން އެދިފައިވެއެވެ.
