ހުޅުމާލެ ޖަލުގައި ހުކުމް ތަންފީޒު ކުރަމުން ދިޔަ 92 އަހަރުގެ މީހަކު މަރުވެއްޖެ
13 މެއި 2020 | ބުދަ 00:11އެ މީހާ މަރުވީ އަންގާރަ ދުވަހުގެރޭ
އަލީ ސަމާޚް | 13 މެއި 2020 | ބުދަ 00:11
ހުޅުމާލޭގައި ހުންނަ ޖަލު: އޭނާ ހުކުމް ތަންފީޒުކުރަމުން ގެންދިޔައީ މިތަނުގައި
ހުޅުމާލެ ޖަލުގައި ހުކުމް ތަންފީޒު ކުރަމުން ދިޔަ މީހަކު މަރުވެއްޖެ އެވެ.
އެކަން ހާމަކުރެއްވި ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅު އެވެ. ކޮމިޝަނަރ އޮފް ޕްރިޒަންސް ވިދާޅުވީ، ހުޅުމާލޭ ޖަލުގައި ހުކުމް ތަންފީޒު ކުރަމުންދިޔަ މީހަކު މަރުވެފައިވާ ކަމަށެވެ. އެ މީހާގެ އުމުރަކީ 92 އަހަރެވެ.
އޮންނަ އުސޫލުގެ ދަށުން އެ މީހާ މަރުވިކަން ފުލުހުންގެ އިތުރުން ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އަށް އަންގާފައިވާ ކަމަށް އޭނާ ވިދާޅުވި އެވެ. އެ މީހާއާ ގުޅޭ އިތުރު ތަފްސީލެއް ހާމައެއް ނުކުރައްވަ އެވެ.
