ކްރިކެޓްގެ ހުރިހާ ހަރަކާތަކުން އަފްޣާނިސްތާނުގެ ޝަފީގުﷲ ހަ އަހަރަށް ސަސްޕެންޑް ކޮށްފި
11 މެއި 2020 | ހޯމަ 18:30ޝަފީގުﷲ ސަސްޕެންޑު ކުރީ އެންޓި-ކޮރަޕްޝަން ގަވާއިދުތަކާ ޚިލާފުވުމުން
އަފްޣާނިސްތާނުގެ ޝަފީގުﷲ ޝަފަގު: ކޮރަަޕްޝަންގެ ހަތަރު ދައިވާއެއް ވަނީ އޭނާގެ މައްޗަށް ކޮށްފައި
ކްރިކެޓްގެ ހުރިހާ ހަރަކާތަކުން އަފްޣާނިސްތާނުގެ ވިކެޓްކީޕަރު-ބެޓްސްމަން ޝަފީގުﷲ ޝަފަގު ހަ އަހަރަށް ސަސްޕެންޑް ކުރަން އަފްޣާނިސްތާނުގެ ކްރިކެޓް ބޯޑުން ނިންމައިފި އެވެ.
ޝަފީގުﷲ ވަނީ އޭނާއާ ދެކޮޅަށް އުފުލިފައިވާ ހަތަރު ދައުވާ އަކަށް އިއުތިރާފުވެފައެވެ. ކޮރަޕްޝަންގެ އަމަލުތަކެއް ޝަފީގުﷲ ގެ ފަރާތުން ފެނިގެންދިޔައީ 2018 ވަނަ އަހަރު އަފްޣާނިސްތާން ޕްރިމިއާ ލީގުގެ ކްލަބެއް ކަމަށްވާ ނަންގަރްހާރު ލެއޮޕާޑްސް އަށް ކުޅުނު ދުވަސްވަރާއި މިދިޔަ އަހަރު ބަންގަލްދޭޝް ޕްރިމިއާ ލީގުގެ ކްލަބެއް ކަމަށްވާ ސީލްހެޓް ތަންޑާ އަށް ކުޅުނު ދުވަސްވަރެވެ.
އަފްޣާނިސްތާން ކްރިކެޓް ބޯޑުގެ ސީނިއާ އެންޓި-ކޮރަޕްޝަން މެނޭޖަރު ވިދާޅުވީ ޝަފީގުﷲ ސަސްޕެންޑު ކުރީ އެހެން ހުރިހާ ކުޅުންތެރިންނަށް އިންޒާރެއް ދިނުމަށް ކަމަށެވެ. އަދި ސީނިއާ ކުޅުންތެރިއެއްގެ ފަރާތުން ކޮރަޕްޝަންގެ އަމަލުތަކެއް ފެނުމަކީ ބަލައިގަނެވޭނެ ކަމެއް ނޫން ކަމަށްވެސް ވަނީ ވިދާޅުވެފައެވެ.
އުމުރުން 30 އަހަރުގެ ޝަފީގުﷲ ހަ އަހަރަށް ސަސްޕެންޑު ކުރިއިރު، އޭނާ ވަނީ އަފްޣާނިސްތާން ގައުމީ ޓީމަށް 24 ވަން-ޑޭ އިންޓަނޭޝަނަލް މެޗު ކުޅެދީފައެވެ. އަދި އޭނާ ވަނީ ޓްވެންޓީ20 46 މެޗު ގައުމީ ޓީމަށް ކުޅެދީފައެވެ.
