ސާފް ޗެމްޕިއަންޝިޕް އަންނަ އަހަރަށް ފަސްކުރުމަށް އިންޑިއާއިން އެދިއްޖެ

ސަރަހައްދީ އެންމެ ބޮޑު ފުޓުބޯޅަ މުބާރާތް ކަމަށްވާ ސާފް ޗެމްޕިއަންޝިޕް މުބާރާތް އަންނަ އަރަށް ފަސްކުރުމަށް އިންޑިއާއިން އެދިއްޖެއެވެ

އަންގާރަ ދުވަހު އިންޑިއާގެ މީޑިއާއަކަށް ދިން އިންޓަވިއުއެއްގައި، ސައުތް އޭޝިއަން ފުޓުބޯޅަ ފެޑެރޭޝަން (ސާފް) ގެ ޖެނެރަލް ސެކެޓްރީ އަންވަރުލް ހައްދު ވަނީ މިކަން ކަޝަވަރު ކޮށްދީފައެވެ.

އިންޓަވިއުގައި އޭނާ ބުނެފައިވަނީ، އިންޑިއާގައި ބޭއްވުމަށް ހަމަޖެހިފައިވާ 17 އަހަރުން ދަށުގެ ފީފާ ވޯލްޑް ކަޕްގެ ޝެޑިއުލް ލަސްވުމާއި ގުޅިގެން އެގައުމުގެ ފުޓުބޯޅަ ޝެޑިއުލަށް ބަދަލުތަކެއް އައުމުގެ ސަބަބުން، ސާފް ޗެމްޕިއަންޝިޕް މުބާރާތް ފަސްކުރުމަށް އެގައުމުން އެދިފައި ވާކަމަށެވެ.

އިންޑިއާގައި ބާއްވާ 17 އަހަރުން ދަށުގެ ވޯލްޑްލަޕް އޮންނާނީ އޮކްޓޫބަރު 6 އިން 28 ހުގެ ނިޔަލަށެވެ. އެހެންކަމުން ސާފް ޗެމްޕިއަންޝިޕް ޑިސެމްބަރުގައި ފެށުމަށް ހަމަޖެހިފައި ވާއިރު އެ ތާރީހަށް އިންޑިއާގެ އައި ލީގުގެ ކުޅުން ނުނިމޭނެ އެވެ.

އަންވަރުލް ހައްގު ބުނެފައިވަނީ، އިންޑިއާއިން ބޭނުންވަނީ މުބާރާތް އަންނަ އަހަރުގެ މާޗު މަހަށް ފަސްކުރަން ކަމަށާ، އެހެންކަމުން މުބާރާތުގެ މާކެޓިން އޭޖެންޓާއި މަޝްވަރާކުރެވެމުން ދާކަމަށެވެ. އަދި އިންޑިއާއިން މުބާރާތުގައި ވާދަ ނުކުރެވޭނަމަ ސްޕޮންސްރުގެ މައްސަލަތަކެއް ހުންނާނެ ކަމަށްވެސް އަންވަރުލް ހައްގު ވަނީ ބުނެފައެވެ.

މިކަމާ ގުޅިގެން އޯލް އިންޑިއާ ފުޓުބޯޅަ ފެޑެރޭޝަނުގެ ނައިބު ރައީސް ސުބުރަތާ ބުނީ 17 އަހަރުން ދަށުގެ ފީފާ ވޯލްޑް ކަޕް އިންޑިއާގައި ބާއްވާތީ މިއީ އެގައުމަށް ވަރަށް ޙާއްސަ އަހަރެއް ކަމަށާ، އެހެންކަމުން ސާފް އިން އިންޑިއާގެ އެދުމަށް އިހްތިރާމް ކުރާނެ ކަމަށް އުންމީދު ކުރާ ކަމަށެވެ.

އިންޑިއާއަކީ ސާފް ޗެމްޕިއަންޝިޕްގެ އެންމެ ކާމިޔާބު ގައުމެވެ. އެގައުމުން ވަނީ ހަތް އަހަރު މި މުބާރާތް ކާމިޔާބުކޮށްފައެވެ. ހަމަ އެހެންމެ މީގެ ކުރިން އިންޑިއާއަކީ މުބާރާތުގެ ތާރީހު ކަނޑައެޅުމުގައި ބޮޑު ރޯލެއް އަދާކުރާ ގައުމެއްކަމުން މުބާރާތް ފަސްކުރާނެ ކަމަށް ވަރަށް ބޮޑަށް ބެލެވެއެވެ.

މީގެ ކުރިން މުބާތް ބޭއްވުމަށް ހަމަޖެހިފައި އޮތީ ޑިސެމްބަރު މަހުގެ 25 އިން ޖެނުއަރީ 6 ގެ ނިޔަލަށް ބަންގާޅުގައެވެ.