ޔުއެފާ ޗެމްޕިއަންސް ލީގުގައި ބޮރޯޝިއާ ޑޯޓްމަންޑް ކަޓުވާލާ، 13 އަހަރަށްފަހު ފްރާންސްގެ އޭއެސް މޮނާކޯ މުބާރާތުގެ ސެމީ ފައިނަލަށް ދަތުރުކޮށްފި އެވެ.
ބުދަ ދުވަހުގެ ރޭ ކުޅުނު މެޗު އެޓީމުން 1-3 ގެ ނަތީޖާއިން ކާމިޔާބުކޮށްފައިވާއިރު، މި ދެޓީމު ބައްދަލުކުރި ފުރަތަމަ ލެގު ޑޯޓްމަންޑް ދަނޑުގައި މޮނާކޯ ވަނީ 2-3 ގެ ނަތީޖާއަކުން މޮޅުވެފައެވެ. އެގޮތުން މޮނާކޯ ސެމީއަށް ދަތުރުކުރީ 3-6 ގެ އެގްރިގޭޓް ނަތީޖާއަކުންނެވެ.
މޮނާކޯ ދަނޑުގައި ކުޅުނު މެޗު ފެށިގެން ތިންވަނަ މިނެޓުގައި އެޓީމުން ވަނީ މެޗުގެ ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ މިބާޕޭ އެވެ. މީގެއިތުރުންވެސް އެޓީމަށް ވަނީ ލަނޑު ޖެހުމަށް ރަނގަޅު ފުރުސަތުތަކެއް ލިބިފައެވެ.
މޮނާކޯ އަށް މެޗުގެ ލީޑު ފުޅާކޮށްދިނީ 17 ވަނަ މިނެޓުގައި ރަޑަމެލް ފަލްކާއޯ އެވެ. މިއީ ޗެމްޕިއަންސް ލީގުގައި ފަލްކާއޯ ކާމިޔާބުކުރި 45 ވަނަ ލަނޑެވެ. މި ލަނޑާއެކު ޑޯޓްމަންޑުން އެޓީމުގެ ކުޅުން ރަނގަޅުކޮށްފައިވާއިރު، ލަނޑު ޖެހުމަށްވެސް އެޓީމުން ވަނީ ފުރުސަތުތަކެއް ތަނަވަސްކޮށްފައެވެ.
4️⃣5️⃣ goals in 5️⃣0️⃣ UEFA competition matches. Bravo @FALCAO! #UCL pic.twitter.com/W4iiRUoYhF
— Champions League (@ChampionsLeague) April 19, 2017
ފުރަތަމަ ހާފް ނިމުނީ 0-2 ގެ ނަތީޖާއިން ޑޯޓްމަންޑްގެ މައްޗަށް މޮނާކޯ ކުރީގައި އޮވެގެންނެވެ.
ދެވަނަ ހާފް ފެށިގެން ބޯޅަ ކޮންޓްރޯލްކޮށްގެން މޮނާކޯ އިން ރަނގަޅަށް ކުޅެފައިވާއިރު، ލީޑު ފުޅާކުރުމަށްވެސް އެޓީމަށް ވަނީ ފުރުސަތުތަކެއް ލިބިފައެވެ. އެހެންނަމަވެސް މޮނާކޯ އިން ރަނގަޅަށް ކުޅެމުންދަނިކޮށް ޑޯޓްމަންޑުގެ މާކޯ ރެއުސް ވަނީ 48 ވަނަ މިނެޓުގައި އެޓީމަށް ނަތީޖާގެ ފަރަގު ކުޑަކޮށްދީފައެވެ.
މެޗުގައި މޮނާކޯ އިން ކާމިޔާބުކުރި ތިންވަނަ ލަނޑު 81 ވަނަ މިނެޓޫގައި އެޓީމަށް ކާމިޔާބުކޮށްދިނީ ޖާމިއަން އެވެ.
