ރާއްޖެ
ކޮވިޑ-19 ބަލިން ފަސޭހަވުން
ރާއްޖޭގައި ބަލިން ފަސޭހަވި މީހުންގެ އަދަދު 30ށް
ބަލިން ފަސޭހަވެފައިވަނީ ކޭސް ނަންބަރު 86
އަލީ ސަމާޚް, ރާއްޖެ އެމްވީ | 10 މެއި 2020 | އާދީއްތަ 17:34
ކޮވިޑް-19 އަށް ޓެސްޓު ކުރުމުގައި އެޗްޕީއޭގެ އޮފިޝަލުން ހަރަކާތްތެރިވަނީ
ރާއްޖޭގައި ކޮވިޑް-19 ޖެހުނު މީހުންގެ ތެރެއިން އިތުރު މީހަކު ބަލިން ފަސޭހަވެ, ބަލިން ފަސޭހަވި މީހުންގެ އަދަދު 30 އަށް އަރައިފިއެވެ.
އާދިއްތަ ދުވަހުގެރޭ ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ޕްރެސްކޮންފަރެންސް ގައި ހެލްތް ޕްރޮޓެކްޝަން އެޖެންސީ (އެޗްްޕީއޭ) ގެ އެޕިޑިމިއޮލޮޖިސްޓް ޑރ. އިބްރާހިމް އަފްޒަލް ވިދާޅުވީ، ބަލިން ފަސޭހަވެފައިވަނީ ކޭސް ނަންބަރު 86 ކަމަށެވެ.
ކޭސް 86 އަކީ އުމުރުން 31 އަހަރުގެ ދިވެހި ފިރިހެނެކެވެ. އެ ފިރިހެން މީހާ ކޮވިޑް-19 އަށް ޕޮޒިޓިވްވެފައިވަނީ އޭޕްރީލް މަހުގެ 21 ވަނަ ދުވަހުއެވެ. މި މީހާ ނިސްބަތްވަނީ އެމްއެޗްއެފް ކްލަސްޓަރ އަށެވެ.
