މާލެއިން ރަށަށް ދާން ބޭނުންވާ 45 މީހަކު ކަރަންޓީނުކޮށްފި
6 މެއި 2020 | ބުދަ 23:00އެއް ރަށުން އަނެއް ރަށަށް ދަތުރުކުރުން ވަނީ މަނާކޮށްފައި
އެންއީއޯސީގެ ތަރުޖަމާނު މުހައްމަދު މަބްރޫކް އަޒީޒް
މާލެއަށް ކުރުމުއްދަތަކަށް ދަތުރުކޮށް، ލޮކްޑައުން ހާލަތާއި ގުޅިގެން އަނބުރާ ރަށަށް ނުދެވި ތިބި 42 މީހަކު ކަރަންޓީނު ކޮށްފިއެވެ.
ރާއްޖޭގެ ކޮވިޑް-19 ގެ ހާލަތުގެ އެންމެ ފަހުގެ މައުލޫމާތު ހިއްސާކުރުމަށް ބުދަ ދުވަހުގެރޭ ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) އިން ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އެ މީހުންގެ ކަރަންޓީނުގެ މުއްދަތު ނިމުމަށް ފަހު ރަށަށް ދެވޭގޮތަށް ހަމަޖައްސާފައިވާ ކަމަށެވެ.
މާލެއިން ކޮވިޑް-19 ކޭސްތަކެއް ފެނުމާއި ގުޅިގެން މާލެ ލޮކްޑައުން ކޮށްފައިވަނީ އޭޕްރީލް މަހުގެ 15 ވަނަ ދުވަހުއެވެ. ލޮކްޑައުން އަށް މަހެއްވާން ކައިރިވެފައިވާއިރު،، ރަށްރަށުން އެކި ބޭނުންތަކުގައި މާލެއައިސް ތިބި ގިނަ އަދަދެއްގެ ބަޔަކު މި ވަގުތު މާލޭގައި އެބަތިއްބެވެ. އެ މީހުންގެ ކަންބޮޑުވުންތަކަަށް ހައްލެއް ގެނައުމުގެ ގޮތުން މާލެއިން ރަށްރަށަށް މީހުން ދެވޭނެ އުސޫލެއް ޖެންޑަރ މިނިސްޓްރީން ވަނި އެކުލަވާލާފައެވެ.
އެ އުސޫލުގައި ބުނާ ގޮތުން މާލެއިން ރަށަށް ފޮނުވުމުގައި އެންމެ ފުރަތަމަ ބެލެވޭނީ އޭޕްރިލް މަހުގެ އެކެއް ނުވަތަ އޭގެ ފަހުން އެކިއެކި ބޭނުންތަކަށް މާލެ އައިސް އެނބުރި ރަށަށް ނުދެވި ތިބި ފަރާތްތަކަށެވެ.
