ހެރެތެރެ ކަރަންޓީނުން ފިލި ތިން މީހަކު ހޯދައިފި
6 މެއި 2020 | ބުދަ 23:06ފިލާފައިވަނީ ފަސް މީހުން
ހެރެތެރެ އައިލެންޑް ރިސޯޓް
ކަރަންޓީނު ފެސިލިޓީއެއްގެ ގޮތުގައި ބޭނުންކުރަމުން ހެރެތެރެ އައިލެންޑް ރިސޯޓުގައި ކަރަންޓީނު ކޮށްފައި ތިބި މީހުންގެ ތެރެއިން ފިލި ފަސް މީހުންގެ ތެރެއިން ތިން މީހަކު ހޯދާފައިވާ ކަމަށް ފުލުހުން ބުނެފިއެވެ.
ހެެރެތެރެގައި ކަރަންޓީނު ކޮށްފައިތިބި މީހުންގެ ތެރެއިން ދިވެހި ފަސް ފިރިހެނުން ފިލާފާއިވާކަމަށް ފުލުހުން ވަނީ ބުދަ ދުވަހުގެ ރޭގަނޑުގެ ވަގުތެއްގައި ބުނެފައެވެ. ފިލި މީހުންގެ ތެރެއިން އެކަކު ހޯދާފައިވަނީ ބުދަ ދުވަހުގެ ރޭގަނޑު އަށެއް ޖެހިހާއިރު އެވެ.
އޭގެ ފަހުން މީޑިއާތަކަށް ފުލުހުން ފޮނުވާފައިވާ މެސެޖެއްގައި ބުނީ، ފިލި މީހުންގެ ތެރެއިން އިތުރު ތިން މީހުން ހޯދާފައިވާ ކަމަށެވެ. އެއާއި އެކު ފުލުހުން ދަނީ ފިލި މީހުންގެ ތެެރެއިން ފަސް ވަނަ މީހާ ހޯދުމުގެ މަސައްކަތް ކުރަމުންނެވެ.
ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާންކޮށް އެއް ރަށުން އަނެއް ރަށުން ދިޔުން މަނާކޮށްފައިވާއިރު، ހުއްދަ ނެތި އެއް ރަށުން އަނެއް ރަށަށް ދިޔުމަކީ މަނާ ކަމަކެވެ. ނަމަވެސް އެހެންދާ މީހުންގެ އަދަދުދަނީ އިތުރުވެފައެވެ.
