ހެރެތެރެ ކަރަންޓީން ފެސިލިޓީގައި ތިބި ފަސް ދިވެއްސަކު ފިލައިފި
ފިލާފައިވަނީ ފަސް ފިރިހެނުން
ހެރެތެރެ އައިލެންޑް ރިސޯޓް
ކަރަންޓީނު ފެސިލީޓީއެއްގެ ގޮތުގައި ބޭނުންކުރަމުން އަންނަ ހެރެތެރެ އައިލެންޑް ރިސޯޓުގައި ކަރަންޓީނު ކޮށްފައި ތިބި މީހުންގެ ތެރެއިން ފަސް މީހަކު ފިލައިިފި އެވެ.
މީޑިއާތަކަށް ފޮނުވި މެސެޖްގައި ފުލުހުން ބުނީ، އެ ފަސް މީހުން ފިލާފައިވާ ކަމުގެ މައުލޫމާތު ލިބިފައިވާ ކަމަށެވެ. އޭގެ ތެރެއިން އެކަކު ހޯދާފައިވާ ކަމަށް ފުލުހުން ބުންޏެވެ. އަނެއް ހަތަރު މީހުން ހޯދުމުގެ މަސައްކަތް ފުލުހުން އަންނަނީ ކުރަމުންނެވެ.
އެމީހުން ފިލާފައިވާ ކަމުގެ މައުލޫމާތު ލިބިފައިވަނީ ބުދަ ދުވަހު އިރުއޮއްސުނުއިރު ކަމަށް ފުލުހުން ބުންޏެވެ. އެމީހުންނާ ގުޅޭ އިތުރު އެއްވެސް މައުލޫމާތެއް ފުލުހުން ހާމައެއް ނުކުރެއެވެ.
ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާންކޮށް އެއް ރަށުން އަނެއް ރަށުން ދިޔުން މަނާކޮށްފައިވާއިރު، ހުއްދަ ނެތި އެއް ރަށުން އަނެއް ރަށަށް ދިޔުމަކީ މަނާ ކަމަކެވެ. ނަމަވެސް އެހެންދާ މީހުންގެ އަދަދުދަނީ އިތުރުވެފައެވެ.
