ޑާންސް ދިވާނޭ ސީޒަން 3ގެ އޮޑިޝަން އޮންލައިން ބާއްވަން ނިންމައިފިއެވެ.

ކާމިޔާބު ދެ ސީޒަނަށްފަހު މި ސީޒަންގެ އޮޑިޝަން އޮންލައިންކޮށް ބާއްވަން ނިންމީ ލޮކްޑައުންއާއި ގުޅިގެންނެވެ.

މި ޝޯވގެ ޖަޖެއްކަމަށްވާ މަދޫރީ ޑިކްސިޓް ވަނީ ދާދި ފަހުން މި އޮޑިޝަންގައި ބައިވެރިވުމަށް ގޮވާލާފައެވެ. މަދޫރީގެ އިތުރުން ދެން މިޝޯވ ޖަޖު ކުރާނީ ތުޝާރް ކަލިއާ އާއި ޝަޝަންކް ހައިތަން އެވެ. އަދި މި ޝޯވ ހޯސްޓު ކުރާނީ އެކްޓަރ އަރުޖުން ބިޖްލާނީ އެވެ.

މި ޝޯވ މެދުވެރިކޮށް ޑާންސްކުރުމުގެ ހުނަރު ދައްކާލަން ވަނީ ހުޅުވާލާފައެވެ. ޝޯވގައި އޮންލައިންކޮށް ބައިވެރިވުމަށް ޑާންސް ކޮށްފައިވާ ވީޑިއޯ އެއް ކާކުކަން އަންގައިދޭގޮތަށް ހުރިހާ ތަފްސީލަކާއިއެކު އެ ޝޯވްގެ މެއިލްއަށް ފޮނުވުމަށް ވަނީ އެދިފައެވެ.

މި ޝޯވ ދައްކަމުންދާ، ކަލާސް ޓީވީގެ ޓްވިޓާގައި އަޕްލޯޑްކޮށްފައިވާ ވީޑިއޯގައި މަދޫރީ ފެނިގެންދެއެވެ. މަދޫރީ މި ވީޑިއޯގައި ބުނަނީ ގެއަށްވުރެ ރައްކާތެރި ތަނެއް މި ބަލިމަޑުކަމުގެ ދުވަސްކޮޅުގައި ނެތް ކަމަށެވެ. މި ޕޯސްޓަށް ކޮމެންޓްކޮށް މަދޫރީ ބުނީ އިތުރު ސީޒަނެއް ގެނެވޭތީ އުފާކުރާ ކަމަށެވެ. އަދި މި އޮޑިޝަންގެ ޑާންސްތައް ބަލާލުމަށް ކެތްމަދުވެފައި ހުރި ކަމަށްވެސް އޭނާ ބުންޏެވެ.

ކަލާސް އިން ހާމަ ކޮށްފައިވާ ގޮތުގައި އޮޑިޝަނަށް ހުޅުވާލިތާ 2 ދުވަސް ތެރޭ 1000 އަށް ވުރެ ގިނަ މީހުން އޮޑިޝަންގައި ބައިވެރިވެރިވެރިވާން ބޭނުންވާ ކަން ހާމަކޮށްފައިވާ ކަމަށެވެ. ޑާންސް ދިވާނޭ ބަހާލައިފައިވަނީ 3 ކެޓެގަރީ އަކަށެވެ. އެއީ 18 އަހަރުން ދަށުގެ އުމުރުފުރާ އާއި 35 އަހަރުން ދަށުގެ އުމުރުފުރާ އަދި 35 އަހަރުން މަތީ އުމުރުފުރާގެ ބޭފުޅުންނަށެވެ.

މި ޝޯވ ގެ ފުރަތަމަ ސީޒަން ކާމިޔާބުކޮށަފައި ވަނީ އުމުރުން 7 އަހަރުގައި އަލޯކް ޝައު އެވެ.