އާދީއްތަ 20 އޮކްޓޯބަރ 2019
03 ހެއި
1441 ސަފަރު 21
ފަތިސް 04:37
އިރުއަރާ 05:49
މެންދުރު 11:55
އަސްރު 15:10
މަޣްރިބް 17:53
އިޝާ 19:05
ލުއި ޚަބަރު - ކައުޝީގެ ޓްރެއިލާ

ސީޒަންގެ ކައުޝީގެ ޓްރެއިލާ ނެރެފި

  • ކައުޝީ ޓްރެއިލާ އާދީއްދަ ދުވަހު ވަނީ ރިލީޒަ ކޮށަފައި

ތަހާރަތު މުހައްމަދު ވަހީދު
thahavahyd

ކ. މާލެ 3 އޭޕުރިލް 2017 | ހޯމަ 19:05 4,143

ކައުޝީގެ ފިލްމުގެ ތެރެއިން - ޔޫޓިއުބް

ފިލްމީ ތަރި އަލީ ސީޒަން ޑައިރެކްޓް ކުރާ ސިންހަޅަ ފިލްމް ކައުޝީގެ ޓްރެއިލާ އާދީއްތަދުވަހު ރިލީޒް ކޮށްފިއެވެ.

ލޯބީގެ ބިރުވެރި ހާދިސާތަކެއް ދައްކުވައިދޭ މި ފިލްމްގެ ޝޫޓިންތައް މިދިޔަ ހުކުރު ދުވަހު ނިންމާލައި ޓްރެއިލާ އާންމުކޮށްފައިވާއިރު މިއީ ސީޒަންގެ "އެންމެ ބޮޑު ކާމިޔާބީ" ކަމަށް އޭނާ ދެކެ އެވެ.

ސީޒަން ރާއްޖެ އެމްވީއަށް ބުނީ މި ފިލްމުގައި ބައިވެރިވި އެންމެން މި ފިލްމާ ދޭތެރޭގައި އުފާވެ ވަރަށް ހިތްހަމަޖެހޭ ކަމަށެވެ. މިހާރު ކުރިއަށްދަނީ މި ފިލްމުގެ އެޑިޓިން މަސައްކަތެވެ.

"ކައުޝީ" ގައި އުޅެނީ ލަންކާގެ މަޝްހޫރު ފިލްމީ ތަރިންނާއި މިދާއިރާއަށް އަލަށް ތައާރަފްވާ ބައެއް ތަރިންނެވެ. މި ފިލްމަށް ނަންދީފައިވަނީ ފިލްމުގެ ބަތަލާގެ ނަމުންނެވެ.

މި ފިލްމް ޝޫޓްކޮށްފައި ވަނީ ކެންޑީ، ނުވަރަލިޔާ އަދި ކޮލަމްބޯގައެވެ. މީގެ އިތުރުން ފިލްމްގެ ލަވައެއް ރާއްޖޭގައި ވެސް ޝޫޓް ކުރުމަށް ވަނީ ނިންމާފައެވެ.

ދެ ލަވަ ހިމެނޭ މި ފިލްމްގެ މިއުޒިކް އަދި ބެކް މިއުޒިން ހަދާފައިވަނީ އިބްރާހިމް ނިފާރު (ތިއްތި) އެވެ.

ފިލްމުގެ ސިނަމަޓޯގްރަފީ އަބްދުﷲ ޝިފާޒް (މާސްކެ) ތައްޔާރު ކޮށްފައިވާއިރު، އެޑިޓިން މަސައްކަތް ކޮށްފައިވަނީ އަލީ މުސްތަފާ ( ސެމީ) އެވެ.

ސިންހަޅަ ފިލްމެއް ދިވެހި ފަންނާނަކު އަލަށް ޑައިރެކްޓް ކުރާ މި ފީޗަރ ފިލްމް އަދި ރިލީޒް ކުރާނެ ދުވަހެއް އަދި ކަނޑައެޅިފައި ނުވާ ކަމަށް ސީޒަން ބުންޏެވެ.

 

 

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް