ޔޫއޭއީގައި އަލިފާން ރޯވި އިމާރާތުގައި ދިވެހިން ތިބިތޯ ބަލަނީ
އަލިފާން ރޯވީ 10 ވަނަ ފްލޯގައި
ޝަރްޖާގައި އަލިފާން ރޯވި އިމާރާތް
ޔުނައިޓެޑް އަރަބް އެމިރޭޓްސް (ޔޫއޭއީ) ގެ ޝަރްޖާގެ އިމާރާތެއްގައި އަލިފާން ރޯވެފައިވާތީ އެ އިމާރާތުގެ ތެރޭގައި އެއްވެސް ދިވެއްސަކު ހުރިތޯ ބަލަމުންދާ ކަމަށް ފޮރިން މިނިސްޓްރީން ބުނެފި އެވެ.
އަންގާރަ ދުވަހުގެރޭ އަލިފާން ރޯވެފައިވަނީ ޝާރްޖާގައި ހުންނަ އަލް ނަހްދާ ޓަވަރުގައެވެ. ޔޫއޭއީގެ ނޫސްތަކުން ރިޕޯޓް ކޮށްފައިވާ ގޮތުން ކުދިކުދި އަނިޔާތަކެއް ވެެގެން ނުވަ މީހަކަށް ފަރުވާދީފައިވާ ކަމަށެވެ.
ޝަރްޖާގެ ސިވިލް ޑިފެންސް ޓީމުން ވަނީ ރޯވި އަލިފާންގަނޑު ނިއްވާލާފަ އެވެެ. އެކަމަކު އަލިފާން ރޯވި ސަބަބު މިހާތަނަށް ދެނެގަނެވިފައެއް ނުވެ އެވެ. އިމާރާތުގެ ތެރޭގައި ތިބި އެންމެން ސަލާމަތް ކޮށްފައިވާ ކަމަށް ނޫސްތަކުން ވަނީ ރިޕޯޓް ކޮށްފަ އެވެ. އިތުރު ބަޔަކު ތާށިވެފައި ތިބެދާނެތީވެ ފުލުހުން ދަނީ ޑްރޯން އަރުވައިގެން ބަލަމުންނެވެ. 2006 ވަަނަ އަހަރު އިމާރާތްކުރި އެ އިމާރާތުގައި 45 ފަންގިފިލާ ހުރެ އެވެ.
ޔޫއޭއީ އަކީ ގިނަ އަދަދެއްގެ ދިވެހިން އެކި ބޭނުންތަކުގައި ދަަތުރުކުރާ ގައުމެކެވެ. އެންމެ ގިނައިން އެ ގައުމަށް ދަތުރުކުރަނީ ވިޔަފާރީގެ ބޭނުންތަކުގަ އެވެ.
