ތ. މަޑިފުށީގައި ރުކަކުން ވެއްޓި މީހަކު މަރުވެއްޖެ އެވެ.
ފުލުހުން ބުނީ މަޑިފުށީގައި ރުކަށް އަރައި އުޅުނިކޮށް ރުކުން ވެއްޓިފައިވަނީ 36 އަހަރުގެ ދިވެހި ފިރިހެނެއް ކަމަށެވެ. އޭނާ ރުކުން ވެއްޓިފައިވާކަަމުގެ މައުލޫމާތު ފުލުހުންނަށް ރިޕޯޓް ކޮށްފައިވަނީ އަންގާރަ ދުވަހުގެ މެންދުރު 2:00 ހާއިރު ކަމަށެވެ.
މަޑިފުށި ހެލްތް ސެންޓަރ އަށް އޭނާ ގެންގޮސް ފަރުވާ ދެމުންދަނިކޮށް ނިޔާވެފައިވާ ކަމަށް ހެލްތް ސެންޓަރ އިން މައުލޫމާތު ދީފައިވާކަމަށް ފުލުހުން މައުލޫމާތު ދެއެވެ.
މިހާދިސާ އާއި ގުޅިގެން ބަލަން ޖެހޭ ކަންކަން ފުލުހުން ދަނީ ބަލަމުންނެވެ.
