ހުކުރު 29 މެއި 2020
10 ރޯނު
1441 ޝައްވާލް 06
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:15
އިޝާ 19:33
އަމިއެންސުން ޕެޓިޝަނެއް ހުށަހަޅަނީ

ފްރެންޗު ލީގުން ރެލިގޭޓްވުމުން އަމިއެންސުން ޕެޓިޝަނެއް ހުށަހަޅަނީ

  • ފްރެންޗު ލީގު ކެންސަލްކޮށް، ޕީއެސްޖީ އަށް ވަނީ ޗެމްޕިއަންކަން ދީފައި
  • ލީގު ކެންސަލް ކުރުމުން އަމިއެންސް އާއި ޓުލޫސް ވަނީ ދެވަނަ ޑިވިޝަނަށް ރެލިގޭޓް ވެފައި

ކ. މާލެ | 5 މެއި 2020 | އަންގާރަ 15:13 | 1,583

އަމިއެންސްގެ ކުޅުންތެރިން އުފާފާޅު ކުރަނިކޮށް - ގެޓީ އިމޭޖާސް

ފްރެންޗު ލީގު ކެންސަލް ކުރުމާ ގުޅިގެން ދެވަނަ ޑިވިޝަނަށް ރެލިގޭޓްވި އަމިއެންސުން ފެޓިޝަނެއް ހުށަހަޅަން ތައްޔާރުވެއްޖެ އެވެ.

ދާދި ފަހުން ފްރެންޗު ލީގު ކެންސަލް ކޮށް، ޕީއެސްޖީ އަށް ވަނީ ޗެމްޕިއަންކަން ދީފައެވެ. ފްރާންސް ޕްރޮފެޝަނަލް ފުޓްބޯލް ލީގު (އެލްއެފްޕީ) އިން މިގޮތަށް ނިންމީ މީހުން އެއްވެ އުޅޭގޮތަށް ކުރިއަށްގެންދާ ހުރިހާ ހަރަކާތްތައް ސެޕްޓެމްބަރު މަހުގެ ކުރިން ނުބޭއްވޭ ގޮތަށް ފްރާންސްގެ ބޮޑު ވަޒީރު އެޑޮއާޑް ފިލިޕޭގެ ސަރުކާރުން ކަނޑައެޅުމުންނެވެ. އަދި ސަޕޯޓަރުން ނުވައްދައިވެސް ފުޓްބޯޅައިގެ ހަރަކާތްތައް ކުރިއަށް ނުގެންދަން ވަނީ އަންގާފައެވެ.

ޕީއެސްޖީ އަށް ޗެމްޕިއަންކަން ދިންއިރު، ޕީއެސްޖީ އެއްވަނައިގައި އޮތީ 12 ޕޮއިންޓުގެ ލީޑަކާ އެކުގައެވެ. މި ނިންމުމާއެކު ތާވަލުގެ ފުލުގައި އޮތް ދެ ޓީމު ކަމަށްވާ އަމިއެންސާއި، ޓުލޫސް ވަނީ ދެވަނަ ޑިވިޝަނަށް ރެލިގޭޓް ވެފައެވެ. 19 ވަނައިގައި އޮތް ޓުލޫސާއި، 18 ވަނައިގައި އޮތް ނިމްސް އާ ދެމެދު އޮތީ ހަތަރު ޕޮއިންޓުގެ ފަރަގެކެވެ.

އެހެންކަމުން އަމިއެންސުން އަންނަނީ ޓީމުތައް ރެލިގޭޓް ވުމަށް ނިންމި ނިންމުން ބަދަލުކުރުމަށް ޕެޓިޝަނެއް ހުށަހެޅުމަށް ތައްޔާރު ވަމުންނެވެ. އެގޮތުން އަމިއެންސުން ގަބޫލުކުރާ ގޮތުގައި އެންމެ ރަނގަޅު ނިންމުމަކީ އަންނަ ސީޒަން 22 ޓީމާއެކު ކުޅުމެވެ. އެއީ ދެވަނަ ޑިވިޝަނުން ފުރަތަމަ ޑިވިޝަނަށް ޕްރޮމޯޓުވާ 2 ޓީމު ހިމަނައިގެންނެވެ.

އަމިއެންސް އިން ޕެޓިޝަނެއް ހުށަހެޅުމަށް ނިންމިއިރު، މީގެ ކުރިން ލިޔޯން އިން ވަނީ ފްރެންޗު ލީގު ކެންސަލް ކުރުމާ ދެކޮޅަށް ކޯޓަށް ދާން ނިންމާފައެވެ. އެޓީމުން ކޯޓަށް ދާން ނިންމީ ޔޫރަޕުގެ ޖާގައެއް ނުލިބުމުން އެ ޓީމަށް ކުރިމަތިވި މާލީ ގެއްލުމުގެ ބަދަލު ހޯދުމަށެވެ.

ޔޫރަޕުގެ ގަދަ ފަސް ލީގުގެ ތެރޭގައި ހިމެނޭ ފްރެންޗު ލީގު ކެންސަލް ކުރިއިރު، މީގެ ކުރިން ޗެމްޕިއަނެއް ކަނޑަނާޅައި ނެދަލެންޑްސް ފުޓްބޯޅަ ލީގު ވަނީ ކެންސަލް ކޮށްފައެވެ. ދެން ލީގުތައް ކެންސަލް ކުރަން މަސައްކަތް ކުރަމުން އަންނަނީ ބެލްޖިއަމާއި، ސްކޮޓްލެންޑުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.