އާދީއްތަ 26 މެއި 2019
07 ރޯނު
1440 ރަމަޟާން 21
ފަތިސް 04:34
އިރުއަރާ 05:51
މެންދުރު 12:07
އަސްރު 15:29
މަޣްރިބް 18:15
އިޝާ 19:32
ކުޅިވަރު - ރެއާލް މެޑްރިޑް

ބާސެލޯނާ ޗެމްޕިއަންސް ލީގުން ކެޓިޔަސް މެޑްރިޑްގެ ސީޒަނަކަށް ބަދަލެއް ނާދޭ: ޒިދާން

  • މެޑްރިޑުން މި ސީޒަނުގައި އެދެވޭ ނަތީޖާއެއް ނުނެރެވޭ ކަމަށް ގަބޫލުކުރި

އަމަން ހަލީމް
soupized

ކ. މާލެ 11 މެއި 2019 | ހޮނިހިރު 20:58 4,894

ރިއާލް މެޑްރިޑުގެ ކޯޗު ޒައިނުއްދީން ޒިދާން - އެމްއެންޑީއެފް

ހައިރާން ކުރުވަނިވި ގޮތަކަށް ވާދަވެރި ބާސެލޯނާ ޗެމްޕިއަންސް ލީގުން ކެޓިޔަސް، ރިއާލް މެޑްރިޑްގެ ސީޒަނަކަށް ބަދަލެއް ނާންނާނެ ކަމަށް ރެއާލް މެޑްރިޑްގެ ކޯޗު ޒައިނުއްދީން ޒިދާން ބުނެފިއެވެ.

ޗެމްޕިއަންސް ލީގުން ބުދަ އަންގާރަ ދުވަހު ބާސެލޯނާ ކަޓާފައި ވަނީ ލިވަރޕޫލާ ކުޅެގެން 4-3 ގެ އެގްރިގޭޓް ނަތީޖާއަކުންނެވެ. ބާސެލޯނާ ދެވަނަ ލެގުގައި ކުޅެން ނިކުތީ އަމިއްލަ ދަނޑުން ކުޅުނު މެޗެން 3-0 ގެ ނަތީޖާއަކުން މޮޅުވުމަށް ފަހުގައެވެ.

ރިއާލް ސޮސިއެޑާޑް މެޗުގެ ކުރިން ވާހަކަ ދައްކަމުން ޒިދާން ބުނީ ބާސެލޯނާ ކެޓިޔަސް މެޑްރިޑުން މި ސީޒަނުގައި ހޯދި ދަށް ނަތީޖާއަކަށް ބަދަލެއް ނާންނާނެ ކަމަށެވެ. މި އަހަރުގެ ޗެމްޕިއަންސް ލީގުގެ ގަދަ 16 އިން މެޑްރިޑް ކަޓާފައި ވަނީ ޗެމްޕިއަންސް ލީގުގެ ތަށި ޖެހިޖެހިގެން ތިން އަހަރު ދިފާއު ކުރުމަށް ފަހުގައެވެ. އެ ޓީމަށް ލީގުގައި ވެސް މި ފަހަރު އެދެވޭ ވަރުގެ ނަތީޖާއެއް ދެއްކިފައި ނުވާ އިރު، ރިއާލް އޮތީ ސްޕެއިންގެ ލީގު ތާވަލްގެ ތިންވަނައިގައެވެ.

މީގެ އިތުރުން މެންޗެސްޓަރ ޔުނައިޓަޑަށް ކުޅެމުން އަންނަ ފަރަންސޭސްވިލާތުގެ ޕޯލް ޕޮގްބާ ގަންނަން މެޑްރިޑުން މަސައްކަތް ކުރަމުން އަންނަ ކަމަށް ދެކެވޭ ވާހަކައަށް ވަކި އެއްޗެއް ބުނަން ނެތް ކަމަށް ވެސް ޒިދާން ބުނެފައިވެއެވެ. ޒިދާން ބުނީ އެހެން ޓީމުތަކުގެ ކުޅުންތެރިންގެ ވާހަކަ ދައްކާކަށް ބޭނުމެއް ނެތް ކަމަށެވެ. އީއެސްޕީއެންއަށް މައުލޫމާތު ދިން މަސްދަރުތަކުން ބުނެފައިވަނީ އަންނަ ސީޒަނުގައި ޔުނައިޓެޑް ޗެމްޕިއަންސް ލީގުގައި ވާދަނުކުރެވޭ ގޮތް ވުމާއި އެކު ޕޮގްބާ އެ ޓީމު ދޫކޮށް ދާން މަސައްކަތް ފަށާފައިވާ ކަމަށެވެ.

މެޑްރިޑަށް ކުޅެމުން އަންނަ ގެރެތް ބޭލްގެ މުސްތަގުބަލާ ބެހޭ ގޮތުން ސުވާލު ކުރުމުން ޒިދާން ބުނީ ކުޅުންތެރިންނާ އެކު ކުރާ މަޝްވަރާތައް މީޑިއާއާ ހިއްސާކުރަން ބޭނުން ނުވާ ކަމަށެވެ. އަދި ކުޅުންތެރިންގެ މުސްތަގުބަލުގެ ވާހަކަ ނުދައްކާ ކަމަށް ވެސް ޒިދާން ބުންޏެވެ.

މެޑްރިޑުގައި ކާމިޔާބު އަހަރުތަކެއް ހޭދަކުރުމަށް ފަހު ޒިދާން އެ ޓީމު ދޫކޮށް ދިޔައީ މިދިޔަ ސީޒަން ނިމުނުތަނާއެވެ. ޒިދާން އަލުން ޓީމާ ގުޅުނީ ވަގުތީ ކޯޗަކަށް ހުރި ސަލްގާޑޯ އެ މަގާމުން ދުރުކުރުމަށް ފަހުގައެވެ. ޒިދާންއަކީ ރިއާލް މެޑްރިޑުގެ ބެންޗުން މި ސީޒަނުގައި ފެންނަ ތިންވަނަ ކޯޗެވެ.

އެންމެ ފަހުން އަޕްޑޭޓް ކުރީ: 4 ދުވަަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް