ކޮވިޑް-19 އުފެދިގެން އައިގޮތުގެ އެއްވެސް ހެއްކެއް އެމެރިކާއަކަށް ނުދެއްކޭ: ޑަބްލިއުއެޗްއޯ
5 މެއި 2020 | އަންގާރަ 00:10އެމެރިކާއަށް ލިބިފައިވާ މައުލޫމާތުތައް އެގައުމުން ބޭނުންވާނަމަ ހިއްސާ ކުރެވިދާނެ
ޑަބްލިއުއެޗްއޯގެ ޗީފް ޑރ. މައިކަލް ރަޔަން، އަދި އެ ޖަމިއްޔާގެ ޑިރެކްޓަރ ޖެނެރަލް، ޓެޑްރޯސް އަދެނޯމް ހޯމަދުވަހުގެ ނޫސްވެރިންގެ ބައްދަލުވުމުގައި
ކޮވިޑް-19 އުފެދިގެން އައިގޮތާއި މެދު އެމެރިކާއަކަށް އެއްވެސް ހެއްކެއް ދެއްކިފައި ނުވާކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ބުނެފި އެވެ.
ހޯމަ ދުވަހު އޮތް ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ޖަމިއްޔާގެ އިމަރޖެންސީ ޗީފް ޑރ. މައިކަލް ރަޔަން ވިދާޅުވީ ކޮވިޑް-19 އަކީ ޗައިނާގެ ވުހާން ސިޓީގެ ލެބަކުން އުފެއްދި އެއްޗެއް ކަމަށް ވިދާޅުވެ، އެމެރިކާގެ ރައީސް ޑޮނާލްޑް ޓްރަމްޕާއި، ސެކެޓްރީ އޮފް ސްޓޭޓް މައިކް ޕޮމްޕެއޯ ދެއްކެވި ވާހަކަފުޅުތައް ސާބިތު ކުރެވޭނެ ހެއްކެއް ނެތް ކަމަށެވެ.
އަދި މިކަމާއި ގުޅިގެން އެމެރިކާއަށް ލިބިފައިވާ މައުލޫމާތުތައް ޑަބްލިއުއެޗްއޯ އާ ހިއްސާ ކުރުމަށް ވެސް ގޮވާލެއްވި އެވެ.
އެމެރިކާގެ ރައީސް ޑޮނާލްޓް ޓްރަމްޕް ގެންދަވަނީ ޗައިނާ އަށާއި އދ ގެ ހެލްތު އޭޖެންސީ އަށް، ވައިރަހުގެ ނުރައްކާތެރިކަން ފޮރުވި ކަމަށް ތުހުމަތުކޮށް، ފާޑުވިދާޅުވަމުންނެވެ. އަދި ޑަބްލިއުއެޗްއޯ އަށް ވެސް ޓްރަމްޕްގެ ފާޑުކިޔުން އަމާޒުވެފައިވާއިރު ޓްރަމްޕް ވިދާޅުވެފައިވަނީ އެ ޖަމިއްޔާއަކީ ޗައިނާގެ ޕަބްލިކް ރިލޭޝަންސް އޭޖެންސީއެއް ކަމަށެވެ.
ރަޔަން އިތުރަށް ވިދާޅުވީ އދ.ގެ ހެލްތު އޭޖެންސީއަށް މިހާތަނަށް ލިބިފައިވާ މައުލޫމާތުތަކަށް ބަލާލާއިރު، ކޮވިޑް-19 އަކީ ގުދުރަތީ ގޮތުން އުފެދިފައިވާ އެއްޗެއް ކަމަށެވެ.
