ފިއްލަދޫ އިސްމެޖިސްޓްރޭޓް އަލީ މުޚުތާރު ވަޒީފާއިން މުސްކުޅި ކޮށްދެއްވައިފި
4 މެއި 2020 | ހޯމަ 16:25ކޮމިޝަނުން މިނިންމީ މިއަހަރުގެ 34 ވަނަ ބައްދަލުވުމުގައި
ޖޭއެސްސީ - މިއަދުގެ މިބައްދަލުވުން ކުރިއަށް ގެންދިއައީ ވީޑިއޯ ކޮންފަރެންސް މެދުވެރިކޮށް
ހއ. ފިއްލަދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލީ މުޚުތާރު ވަޒީފާއިން މުސްކުޅި ކޮށްދެއްވައިފިއެވެ.
މިކަން ނިންމީ ޖުޑީޝަލް ސަރވިސް ކޮމިޝަންގެ މިއަހަރުގެ 34 ވަނަ ބައްދަލުވުމުގައެވެ.
އޯޑިއޯ, ވީޑިއޯ ކޮންފެރެންސް މެދުވެރިކޮށް ބޭއްވި މިބައްދަލުވުމުގައި ކޮމިޝަންގެ 7 މެމްބަރުން ބައިވެރިވިއެވެ.
ހއ. ފިއްލަދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް އަލީ މުޚުތާރު ވަޒީފާއިން މުސްކުޅި ކޮށްދެއްވާފައިވަނީ އޭނާ އަމިއްލައަށް އެދިވަޑައިގެންނެވުމުންނެވެ.
ޖޭއެސްސީގެ ނިންމުމުގައި ވަނީ އުމުރުން 55 އަހަރުވުމުން އަމިއްލައަށް އެދިގެން ވަކިވާ ފަނޑިޔާރުންނަށާއި، 55 އަހަރު ނުވި ނަމަވެސް އަމިއްލައަށް އެދިގެން ސިއްހީ ސަބަބުތަކަށްޓަކައި މަގާމުން މުސްކުޅިކުރާ ފަނޑިޔާރުންނަށް އިނާޔަތްދިނުމުގައި އަމަލުކުރާނެ ގޮތުގެ ގަވާއިދު ދަށުން އިސްމެޖިސްޓްރޭޓް އަލީ މުޚުތާރު މަގާމުން މުސްކުޅި ކުރުމަށް ނިންމާފައިވާ ކަމަށެވެ.
