އެސްޓީއޯގެ އީސްޓޯރ މެދުވެރިކޮށް 5000 އަށްވުރެ ގިނަ މީހުން ވިޔަފާރިކޮށްފި
4 މެއި 2020 | ހޯމަ 14:52އީ ސްޓޯރ ގެ ބޭނުންކޮށްގެން މުދާ ގަތުމުން، ގެއަށް ޑެލިވަރ ކޮށްދޭނެ
އީ ސްޓޯރ ގެ ބޭނުންކޮށްގެން މުދާ ގަތުމުން، ގެއަށް ޑެލިވަރ ކޮށްދޭނެ
ކޮވިޑް-19އިން ރައްކާތެރިވުމަށް އިޖުތިމާޢީ ގައިދުރުކަން ގެންގުޅުމަށް ބާރު އަޅާ މީހުން ގޭގައި ތިބުމަށް ބާރު އެޅުމުގެ ގޮތުން އެސްޓީއޯއިން ފެށި އީސްޓޯރ މެދުވެރިކޮށް މިހާތަނަށް 5000ށް ވުރެ ގިނަ މީހުން ވިޔަފާރިކޮށްފިއެވެ.
އެކަމާ ގުޅޭގޮތުން އެސްޓީއޯއިން ބުނީ، އީސްޓޯރ މެދުވެރިކޮށް ވިޔަފާރި ކުރި މީހުންގެ އަދަދު 5000ށް ވުރެ އިތުރުވެފައިވާ ކަމަށާއި، އީސްޓޯރުގެ ހިދުމަތް މިހާރުވެސް އާއްމުންނަށް ލިބޭނެ ކަމަށެވެ. އެގޮތުން އެސްޓީއޯ ސުޕަމާޓުން ވިއްކާ ތަކެތި ގަންނަން ބޭނުންވާ މީހުންނަށް އެކުންފުނީގެ ވެބްސައިޓުsto.mv/productމެދުވެރިކޮށް އޯޑަރު ކުރުމުގެ އިތުރުން ފައިސާ ވެސް ދެއްކޭނެކަމަށް ބުނެފައިވެއެވެ.
އީ ސްޓޯރ ގެ ބޭނުންކޮށްގެން މުދާ ގަތުމުން، ގެއަށް ޑެލިވަރ ކޮށްދޭނެ ކަމަށް އެސްޓީއޯއިން ބުނެފައިވާއިރު، އެސްޓީއޯގެ ޑެލިވަރީ ކުރިއަށްގެންދަނީ ޑެލިވަރީގެ ހިދުމަތް ދޭ "ރެޑް ބޮކްސް" އާ ގުޅިގެންނެވެ.
ކޮވިޑް-19 ރާއްޖޭގައި ފެތުރެން ފެށުމާއެކު އިޖުތިމާޢީ ގައިދުރުކަން ގެންގުޅުމަށް ބާރު އަޅާ މީހުން ގޭގައި ތިބުމަށް ބާރު އެޅުމުގެ ގޮތުން އެސްޓީއޯއިން ވަނީ އޮންލައިންކޮށް ތަކެތި ގަނެވޭނެ އިންތިޒާމުތައް ހަމަޖައްސާފައެވެ. އެގޮތުން މިދަނޑިވަޅުގައި ތޮއްޖެހިގެން ތަކެތި ގަތުމަށް ނުދިއުމަށާއި، ޑެލިވަރީގެ ޚިދުމަތް ހޯދުމަށް އެސްޓީއޯގެ މެނޭޖިންގ ޑިރެކްޓަރ ހުސައިން އަމްރުވެސް އެދިވަޑައިގެންފައިވެއެވެ.
