ދަރިން ހިއްހަަމަޖައްސައިދިނުމަށް ގޭގައި ހުރެގެން ބައްޕަ ތައްޔާރުކޮށްދިނީ މެކްޑޮނަލްޑް ބާރގަރ
ބޮކްސް ތައްޔާރު ކޮށްފައިވަނީ ސީރިއަލް ހުސްކުރި ފޮށި ބޭނުންކޮށްގެން
ބައްޕައަކު ދަރިންނަށް ތައްޔާރުކޮށްދިން ބާރގަރ ޕެކޭޖް
އިނގިރޭސިވިލާގެ މީހަކު އެނާގެ ދަރިންނަށް ގޭގައި މެކްޑޮނަލްޑް ބާރގަރ ޕެކޭޖް ތައްޔާރުކޮށްދީފިއެވެ.
ކޮވިޑް-19 އާ ގުޅިގެން އިނގިރޭވިލާތް ލޮކްޑައުން ކޮށްފައިވުމުން ފާސްޓް ފުޑް ވިއްކާ ތަންތަންވެސް ވަނީ ބަންދު ކޮށްފައެވެ.
މި ދަނޑިވަޅުގައި ބައްޕަ އަކު ވަނީ ދަރިން އުފާކޮށްދުމުގެ ގޮތުން އެކުދިންގެ އެންމެ ފޭވަރިޓް މީލް ކަަމަށްވާ މެކްޑޮނަލްޑް ބާރގަރ ޕެކޭޖް ގޭގައި ތައްޔާރު ކޮށްދީފައެވެ.
ބައްޕަ ވަނީ ގޭގައި ބާރގަރ އާއި ޗިކަން ނަގެޓްސް އަދި ފްރެންޗް ފްރައިސް ތައްޔާރު ކުރުމަށްފަހު އެތަކެތި ލުމަށް ބޮކްސް ވެސް ގޭގައި ތައްޔާރު ކޮށްފައެވެ. ބޮކްސް ތައްޔާރު ކުރުމަށް ބޭނުން ކޮށްފައިވަނީ ސީރިއަލް ހުސްކުރި ފޮށްޓެވެ.
އަމިއްލަ އަށް މެކްޑޮނަލްޑްގެ ލޯގޯ ކުރެހުމުގެ ބަދަލުގައި އޭނާ ވަނީ މެކްޑޮނަލްޑް ލޯގޯ ޑައުންލޯޑް ކުރުމަށްފަހު ޕްރިންޓްކޮށް ކަފާ ބޮކްސްގެ ބޭރުގައި ތަތްކޮށްފައެވެ.
ކުދިންގެ މަންމަ ވަނީ އެނާގެ ފިރިމީހާ ތައްޔާރުކޮށްފައިވާ ބާރގަރ ޕެކޭޖްގެ ފޮޓޯ ހިއްސާކޮށްފައެވެ. އަދި ބާރަގރ ފެނުމުން ކުދިން ތިބީ ވަރަށް އުފަލުންކަމަށް މަންމަ ވަނީ ބުނެފައެވެ.
