މަގު މަތީގައި ހޭނެތިފައި އޮތް ކުއްޖާ ހޭ އަރައިފި
2 މެއި 2020 | ހޮނިހިރު 01:55ކުއްޖާ އަކީ 18 އަހަރުން ދަށުގެ ކުއްޖެއް
މަގު މައްޗަށް ވެއްޓިފައި އޮތް މިހާ ގާތުގައި ސިއްހީ އޮފިޝަލުން ހަރާކާތްތެރިވަނީ
މާލޭގެ މަގުމައްޗަށް ހޭނެތިގެން ވެއްޓިގެން ފުލުހުންގެ ވެހިކަލް ގައި އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އަށް ގެންދިޔަ ކުއްޖާ ހޭ އަރާފައިވާ ކަމަށް ފުލުހުން ބުނެފިއެވެ.
ފުލުހުން މީޑިއާތަކަށް ފޮނުވާފައިވާ މެސެޖެއްގައި ބުނީ، ހޮނިހިރު ދުވަހުގެ ދަންވަރު 03:30 ހާއިރު ޗަމްޕާ މަގުގައި 18 އަހަރުން ދަށުގެ ކުއްޖަކު ވެއްޓިފައި އޮތް ކަމުގެ މަޢުލޫމާތު ފުލުހުންނަށް ލިބިފައިވާ ކަމަށެވެ.
ފުލުހުން ބުނީ، އެ ޞަރަޙައްދަށް ގޮސް އެ ވަގުތު އެމްބިއުލާންސް ބިޒީވުމުން 4:08 ހާއިރު ފުލުހުންގެ ވެހިކަލް ގައި އޭނާ އައިޖީއެމްއެޗަށް ގެންގޮސްފައި ކަމަށެވެ.
އެމީހާކުއްޖާ ހޮސްޕިޓަލަށް ގެންދިޔައިރުވެސް އޭނާގެ ޙަރަކާތެއް ނެތް ކަމަށާއި ނަމަވެސް 04:31 ހާއިރު ގައި އޭނާ ހޭ އަރާފައިވާ ކަމުގެ މަޢުލޫމާތު ލިބިފައިވާ ކަމަށް ފުލުހުން ބުންޏެވެ. ފުލުހުން ދަނީ މައްސަލަ ތަޙުޤީޤު ކުރަމުންނެވެ.
