ރަޝިޔާއިން ހުކުރު ދުވަހު އެކަނި ރިޕޯޓުކުރެވުނު ކޭސްތަކުގެ އަދަދު 8000 އާއި ގާތްކުރޭ
ރަޝިއާއިން މިހާތަނަށް 114,431 އަސް ވުރެ ގިނަ ކޭސް ރިޕޯޓުކޮށްފައިވޭ
ކޮވިޑް-19 އަށް ޕޮޒިޓިވްވެފައިވާ މީހެއް ހޮސްޕިޓަލަށް ޓްރާންސްފަރ ކުރުމަށް އައިސް ހުރި މެޑިކަލް ވަރކަރެއް އެމްބިއުލެންތަކެއް ކައިރީ މަޑުކޮށްގެން ހުރި ފޮޓޯއެއް
ރަޝިޔާއިން ހުކުރު ދުވަހު އެކަނި ރިޕޯޓުކުރެވުނު ކޭސްތަކުގެ އަދަދު 7,933 އަށް އަރައިފިއެވެ.
މިއީ މިހާތަނަށް އެޤައުމުގައި އެންމެ ގިނަ ޢަދަދަކަށް ކޭސް ރިޕޯޓު ކުރެވުނު ދުވަހެވެ.
ރަޝިއާއިން މިހާތަނަށް 114,431ށް ވުރެ ގިނަ ކޭސް ރިޕޯޓުކޮށްފައިވެއެވެ. އަދި މި ބަލިޖެހިގެން 1169 މީހަކު މަރުވެފައިވެއެވެ.
ރަޝިއާގެ ކަމާބެހޭ އިދާރާތަކުން މި ވަގުތު މި ބައްޔަށް ފަރުވާ ހޯދަމުންދާ މީހުންގެ ޢަދަދުތައް ހާމަނުކުރި ނަމަވެސް އެޤައުމުގައި 13220 މީހުން ވަނީ މި ބަލިން ފަސޭހަވެފައެވެ.
ރަޝިއާއިން ލައްކައަކަށް ވުރެ ގިނަ ކޭސްތައް ރިޕޯޓުކޮށްފައިވާއިރު އެޤައުމުގެ ރައީސް ވްލެޑްމިއަރ ޕުޓިން އާ އެކު ބޭއްވެވި ވީޑިއޯ ކޮންފަރެންސެއްގައި ރަޝިޔާގެ ބޮޑުވަޒީރު ވަނބައްޔަށް ޕޮސިޓިވްވި ކަން ހާމަކުރައްވާފައެވެ.
