ކ. ކުޑަވިލިނގިއްޔާއި ނ. މާފަރު ޢާންމު ޙާލަތަކަށް ގެނެސްފިއެވެ.
ބުރާސްފަތި ދުވަހުގެރޭ ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޓާސްކްފޯހުގެ ތަރުޖަމާނު މަބްރޫކް އަޒީޒް ވިދާޅުވީ ކުރިން މޮނިޓަރިންގގެ ޙާލަތު އިޢުލާނުކޮށްފައިވާ ދެތަނެއް ޢާންމު ޙާލަތައް ގެނެސްފައިވާކަމަށެވެ. އެއީ ކ. ކުޑަވިލިނގިއްޔާއި ނ. މާފަރުކަމަށް މަބްރޫކް ވަނީ ހާމަކޮށްފައެވެ.
ކޮވިޑް-19 އާ ގުޅިގެން ރަށްރަށް މޮނިޓަރިންގގެ ޙާލަތަށް ގެންދިއުމާއި، މޮނިޓަރިންގ އުވާލުމުގެ ބާރު ލިބިގެންވަނީ ޑިރެކްޓަރ ޖެނެރަލް އޮފް ޕަބްލިކް ހެލްތަށެވެ. އެގޮތުން ކޮވިޑް-19 އިން ރައްކާތެރިވުމުގެ ގޮތުން ޢާންމު ޞިއްޙަތު ރައްކާތެރި ކުރުމުގެ ޤާނޫނުގެ ދަށުން ބެލުމަށް ކަނޑައަޅާފައިވާ ކަންކަން ބަލައިނިމި، މޮނިޓަރިންގގެ ގެ ޙާލަތު އިތުރަށް ދަމަހައްޓަންޖެހޭ ސަބަބެއް ނެތްކަން ޑީޖީއަށް ފާހަގަކުރެވުމުން ބައެއް ރަށްރަށުގެ މޮނިޓަރިންގގެ އުވާލަމުންދެއެވެ.
މިހާރުވެސް މާލެ ޞަރަޙައްދުގެ އިތުރުން ރާއްޖޭގެ ގިނަ ބައެއް ރަށްރަށް އަދިވެސް މޮނިޓަރިންގގެ ޙާލަތަށް ގެނެވިފައިވެއެވެ.
