ރާއްޖެއިން ފުރަތަމަ ފަހަރަށް ކޮވިޑް-19 ޖެހިގެން މަރުވި މީހާގެ އާއިލާއަށް ރައީސް އިބްރާހިމް މުހައްމަދު ސޯލިހު ތައުޒީޔާ ވިދާޅުވެއްޖެއެވެ.
ބުރާސްފަތި ދުވަހު ރައީސް ސޯލިހު ކުރެއްވި ޓްވީޓެއްގައި އެމަނިކުފާނު ވަނީ މަރުވި އާމިނަތުގެ އާއިލާއަށް ތައުޒިޔާ ވިދާޅުވެފައެވެ.
އުމުރުން 83 އަހަރުގެ އާމިނަތު އާދަމް މަރުވެފައިވަނީ ބުދަ ދުވަހުގެ ރޭގަނޑުގެ ވަގުތެއްގައެވެ. އާމިނަތު އާދަމަކީ ކުރިން ޕޮޒިޓިވްވި ފަރާތެއް ކަމުގައިވާ MV0126 އާ ގުޅުންހުރި ފަރާތެކެވެ. އަދި އެ ޢާއިލާގެ އިތުރު ބަޔަކަށްވެސް ވަނީ ކޮވިޑް-19 ޖެހިފައެވެ.
އާމިނަތު މަރުގެ މައްސަލާގައި ގިނަ ބައެއްގެ ފާޑުކިޔުންވަނީ އެޗްޕީއޭ އަށް އަމާޒުވެފައެވެ. ބައެއް ފަރާތްތަކުން ދަނީ މި މައްސަލާގައި އެޗްޕީއޭއިން އިހުމާލުވެފައިވާ ކަމަށް ބުނަމުންނެވެ.
