ރިކޯޑް އަދަދަކަށް ކޭސްތަކެއް: މިއަދު އެކަނި 116 މީހަކު ކޮވިޑް-19 އަށް ޕޮޒިވްވެއްޖެ!
30 އެޕްރީލު 2020 | ބުރާސްފަތި 12:06ޖުމްލަ 396 މީހަކު ޕޮޒިޓިވް ވެފައިވޭ
ސިއްހީ އެހީތެރިން މަގުތަކުގައި ހަރަކާތްތެރިވަނީ
ރާއްޖެއިން ކޮވިޑް-19 އަށް ބުރާސްފަތި ދުވަހު އެކަނި 116 މީހަކު ޕޮޒިޓިވް ވެއްޖެއެވެ.
ބުދަ ދުވަހުގެ ރޭ ދަރުބާރުގޭގައި ގާއިމްކޮށްފައިވާ ނޭޝަނަލް އިމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވަނީ ރާއްޖެއިން ކޮވިޑް-19 ޖެހިފައިވާ ޖުމްލަ މީހުންގެ އަދަދު 280 ކަމަށް އިއުލާންކޮށްފައެވެ. ނަމަވެސް އޭގެ ފަހުން އިތުރު 21 މީހަކު ޕޮޒިޓިވް ވެފައިވާކަމަށް ހެލްތް މިނިސްޓްރީގެ ވެބްސައިޓުން ދައްކައެވެ. އެގޮތުން އެ 21 ކޭސްގެ ތެރޭގައި ހިމެނެނީ ބަންގްލަދޭޝްއަށް ނިސްބަތްވާ 4 މީހުންނާއި 17 ދިވެހިންނެވެ. އެއާއިކު ޖުމްލަ އަދަދު ވަނީ 301 އަރާފައެވެ.
އޭގެފަހުންހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވަނީ އިތުރު 95 މީހަކު ޕޮޒިޓިވްވެފައިވާކަމަށް އިއުލާންކޮށްފައެވެ. ، ޕޮޒިޓިވްވި މީހުންގެ ތެރޭގައި ހިމެނެނީ ބަންގްލަދޭޝްގެ 61 މީހުންނާއި، އިންޑިއާގެ 32 މީހުންގެ އިތުރުން ނޭޕާލްގެ ދެ މީހުން ކަމަށެވެ. އެއާއި އެކު ރާއްޖެއިން ކޮވިޑް-19 އަށް ޕޮޒިޓިވް ވި މީހުންގެ ޖުމްލަ އަދަދު ވަނީ 396 އަށް އަރާފައެވެ.
މިއީ މިހާތަނަށް އެންމެ ގިނަ އަދަދަކަށް ރާއްޖެއިން ކޮވިޑް-19 ޖެހިގެން ރިޕޯޓުކުރެވުނު ދުވަހެވެ. ، ދިވެހިރާއްޖޭގައި ފުޅާ ދާއިރާއެއްގައި ކޮވިޑް-19 ފެތުރުމުގެ ނުރައްކާ އަދިވެސް އޮތުމާއެކު، މަރޗް މަހުގެ 12 ވަނަ ދުވަހު އިޢުލާނުކޮށްފައިވާ ޢާންމު ޞިއްޙަތުގެ ކުއްލި ނުރައްކަލުގެ ޙާލަތު މެއި މަހުގެ 30 ވަނަ ދުވަހުގެ ނިޔަލަށް ދެމިއޮންނާނެ ކަމަށްވެސް ވަނީ މިއަދު އިއުލާންކޮށްފައެވެ.
