ޖޫންމަހުގެ ފަހުކޮޅު އާންމު ހާލަތަށް އައުމަށް ސްޕެއިންއިން ޕްލޭންތަކެއް އެކުލަވާލައިފި
29 އެޕްރީލު 2020 | ބުދަ 00:19ފިޔަވަޅުތަކަށް ލުއިދުނުމަށް ފައްޓާނީ މެއި މަހުގެ 4 ވަނަ ދުވަހުން ފެށިގެން
ސްޕެއިންގެ ބޮޑުވަޒީރު ޕެޑްރޯ ސަންޗޭޒް
ދުނިޔޭގައި މިވަގުތު ދެ ވަނަ އަށް އެންމެ ގިނަ މީހުންނަށް ވައިރަސް ޖެހެމުންދާ ސްޕެއިން އިން ޖޫން މަހުގެ ފަހުކޮޅު އާންމު ހާލަތަށް އައުމަށް ޕްލޭންތަކެއް އެކުލަވާލައިފި އެވެ.
ސްޕެއިންގެ ބޮޑުވަޒީރު ޕެޑްރޯ ސަންޗޭޒް ވަނީ އަންގާރަ ދުވަހު ހަތަރު މަރުހަލާއެއްގެ މައްޗަށް އެކުލެވޭ ޕްލޭނެ ހާމަކުރައްވާފަ އެވެ. ލޮކްޑައުންގައި އަޅާފައިވާ ފިޔަވަޅުތަކަށް ލުއިދުނުމަށް ފައްޓާނީ މެއި މަހުގެ 4 ވަނަ ދުވަހުން ފެށިގެންނެވެ.
އެހެންނަމަވެސް މިފިޔަވަޅުތަކަށް ލުއި ދިނުމުގައި އެކި ހިސާބުތައް ތަފާތުވާނެ ކަމަށް ސަންޗޭޒް ވަނީ ވިދާޅުވެފަ އެވެ. އެގޮތުން އެސަރަހައްދެއްގައި ވައިރަސް ފެތުރޭ މިންވަރާއި އައިސީޔޫގައި ޖާގަ ހުރި މިންވަރަށް ފިޔަވަޅުތައް ލުއިކުރާއިރު ބަލާނެކަމަށް ސަންޗޭޒް ވަނީ ވިދާޅުވެފަ އެވެ. އަދި އިޖުތިމާޢީ ގައިދުރުކަން އެ ސަރަހައްދެއްގައި ތަންފީޒު ކުރަމުންދާ މިންވަރަށްވެސް ބައްލަވާނެކަމަށް ސަންޗޭޒް ވަނީ ވިދާޅުވެފަ އެވެ.
ސްޕެއިންގައި މިހާތަނަށް އައިއިރު ވައިރަސް ޖެހިފައިވާ މީހުންގެ އަދަދު ދެ ލައްކަ އަށްވުރެ މައްޗަށް އަރައެވެ. އަދި މަރުވި މީހުންގެ އަދަދު ތޭވީސްހާހަށްވުރެ މައްޗަށް އަރައެވެ.
ސްޕެއިންގައި ކޮވިޑް-19 ފެތުރުން ހުއްޓުވުމަށްޓަކައި އެގައުމު ލޮކްޑައުން ކޮށްފައިވަނީ މަރޗް މަހުގެ 14 ވަނަ ދުވަހު އެވެ. އަދި ލޮކްޑައުން ކޮށްފައި އޮތްއޮތުން ނިމުމަކަށް ގެނައުމަށް ނިންމާފައިވަނީ މެއި މަހުގެ 9 ވަނަ ދުވަހު އެވެ.
