އޮރިއާން ކާޑުގެ މައްސަލައެއްގައި ޝާމިލުވާ ކަމަށް ތުހުމަތު ކުރެވޭ އިންޑޮނީޝިއާގެ ހަރުކަށި ޝެއިޚެއްގެ ނަން އިންޑޮނީޝިއާ ފުލުހުން އާންމުކޮށްފިއެވެ.
ރައްޒާގް ޝިހާބުގެ މައްޗަށް ތުހުމަތު ކުރެވެނީ އަންހެނަކާ ކުރި މުއާމަލާތެއްގައި ބަރަހަނާ ފޮޓޯތަކެއް ފޮނުވާފައި ވުމެވެ.
މިވަގުތު ސައުދީ އަރަބިއްޔާގައި ހުރި ރައްޒާގު ވަނީ އޭނާ އަށް ކުރެވޭ ތުހުމަތުތައް ދޮގުކޮށްފައެވެ.
ރައްޒާގަކީ އިންޑޮނީޝިއާގެ ޖަމާއަތެއް ކަމަށްވާ އިސްލާމިކް ޑިފެންޑާސް ފްރަންޓް (އެފްޕީއައި) ގެ އިސްވެރިޔާއެވެ. އެފްޕީއައި އިން ވަނީ ޖަކާޓާގެ ކުރީގެ ގަވަރުނަރު ބަސޫކީ ޖަހާޖާއާ ދެކޮޅަށް ބޮޑެތި މުޒާހަރާތައް އިންތިޒާމުކޮށްފައެވެ. މިދިޔަ މަހު ޖަހާޖާ ވަނީ ދީނާދެކޮޅަށް ވާހަކަ ދައްކައިގެން ޖަލަށްލާފައެވެ.
ހަމަނުޖެހުން ހިންގުމާއި އަދި އާންމު މަސްލަހަތު ނަގާލުމުގެ ކުށުގައި ރައްޒާގު ވަނީ މީގެ ކުރިން ދެފަަހަރެއްގެ މަތިން ޖަލަަަށް ލާފައެވެ.
ރައްޒާގައި، ރައްޒާގު ބަަރަހަނާ ފޮޓޯ ފޮނުވި އަންހެން މީހާއާ މެދު ކުރެވުނު މުއާމަލާތުގެ ސްކްރީން ޝޮޓްތަކެއް މިއަަހަރުގެ ކުރީ ކޮޅުން ފެށިގެން ވަނީ ދައުރުވާން ފަށާފައެވެ.
ރައްޒާގައި ސުވާލުކުރުމަށް އިންޑޮނީޝިއާ ފުލުހުން ބޭނުން ވަތީ، ގައުމަށް އެނބުރި އައުމަށް ތަކުރާރުކޮށް ފުލުހުން އެދުމުން ވެސް އޭނާ ހާޒިރުވެފައެއް ނުވެއެވެ.
