އެމެރިކާ އިން އަފްގާނިސްތާނުގައި ދިން ހަަމަލާއެއްގައި އާންމުންގެ ބަޔަކު ޒަޚަމްވި ކަމަށް ނުވަތަ މަރުވި ކަމަށް ރިޕޯޓުތައް ބުނެފި

އެމެރިކާ އިން އަފްގާނިސްތާނުގެ ވެރިރަށް ކާބުލްގައި ހަރަކާތްތެރިވާ ހަނގުރާމަވެރިންނަށް އަމާޒުކޮށް ދިން ވައިގެ ހަމަލާއެއްގައި އާންމުންގެ ބަޔަކު މަރުވި ކަމަށް ނުވަތަ ޒަޚަމްވި ކަމަށް ރިޕޯޓުތައް ބުނެފިއެވެ.

އޮފިޝަލުން ބުނާގޮތުން ހަމަލާގައި އާންމުންގެ ބަޔަކު ޒަޚަމްވީ ނުވަތަ މަރުވީ ހަމަލާދޭން ބޭނުންކުރި މިސައިލެއް ރަނގަޅަށް މަސައްކަތްނުކުރުމުގެ ސަބަބުންނެވެ. މަރުވީ ނުވަތަ ޒަޚަމްވީ ކިތައް މީހުންކަމެއް ނޭނގެއެވެ.

އެމެރިކާ ސިފައިން ކާބުލްގައި ހަރަކާތްތެރިވާ ހަނގުރާމަވެރިންނަށް ހަމަލާ ދިނީ، އެމެރިކާގެ ޑިފެންސް ސެކްްރެޓަރީ ޖިމް މެޓިސް އަފްގާނިސްތާނަށް ވަޑައިގަތްތަނާ ކާބުލްގެ އެއާޕޯޓަށް ހަނގުރާމަވެރިން ރޮކެޓުން ހަމަލާ ދިނުމާ ގުޅިގެންނެވެ. އެެމެރިކާ އިން ހަނގުރާމަވެރިންނަށް ހަމަލާ ދިނީ އަފްގާނިސްތާނުގެ ސިފައިން ހަނގުރާމަވެރިންނާ ދެކޮޅަށް ދެމުންދާ ހަމަލާތަކަށް އެއްބާރުލުން ދިނުމުގެ ގޮތުންނެވެ.

އެމެރިކާ އިން ވަނީ އަފްގާނިސްތާނަށް އިތުރު 3000 ސިފައިން ފޮނުވުމަށް ދާދިފަހުން ނިންމާފައެވެ.