ޓާސްކްފޯހުގެ ހުއްދައާއި ނުލައި ދަތުރުކޮށްގެން ނ. މަނަދޫއިން 2 މީހަކު ފުލުހުންގެ ބެލުމުގެ ދަށަށް
28 އެޕްރީލު 2020 | އަންގާރަ 21:582 މީހުން ހައްޔަރުކުރީ މަނަދޫއިން
މޯލްޑިވިސް ޕޮލިސް ސާރވިސްއިން ހަރަކާތްތެރިވަނީ
ޓާސްކްފޯހުގެ ހުއްދައަކާއި ނުލައި ނ. މަނަދޫއިން ފުރައިގެން ނ. ލަންދޫއަށް ދިޔަ 2 މީހަކު ފުލުހުންގެ ބެލުމުގެ ދަށަށް ގެނެސްފިއެވެ.
ފުލުހުން ބުނީ، ހޯމަ ދުވަހު މަނަދޫ ޓާސްކް ފޯހުގެ ހުއްދައަކާއި ނުލައި ޑިންގީއެއްގައި 2 މީހަކު ނ. ލަންދޫއަށް ދިޔުމުން، އެ ރަށު ޓާސްކްފޯހުން އެމީހުން އެ ރަށަށް އެތެރެވިޔަނުދީ ހުރަސްއަޅާފައިވާކަމަށެވެ. އެކަމާއި ގުޅިގެން އެމީހުން އެނބުރި މަނަދޫއަށް ގޮސްފައިވާކަމަށް ފުލުހުން ވަނީ ބުނެފައެވެ.
ފުލުހުން އިތުރަށް ބުނެފައިވަނީ، ރަށު ޓާސްކްފޯހުގެ ހުއްދައާއި ނުލައި ދަތުރުކުރުމާއި އަށުގެ މަސްލަހަތު ގެއްލޭގޮތަށް އަމަލުކޮށްފައިވާ މައްސަލައިގައި އެ ދެމީހުން ހޯމަ ދުވަހުގެ ރޭ 9:45 ގައި ހައްޔަރުކޮށްފައިވާކަމަށެވެ. އެ މައްސަލައިގައި ހައްޔަރުކޮށްފައިވަނީ އުމުރުން 39 އަހަރާއި 40 އަހަރުގެ ފިރިހެނުންނެވެ.
މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.
