ފުޑް އެކްސްޕޯއާ ގުޅިގެން ދެ ކޭސް ފާހަގަކުރެވިފައިވޭ: ޑރ. އަފްޒަލް
ގަލްފް ފުޑް އެކްސްޕޯއަށް ދިޔަ މީހުން އެޗްޕީއޭއާ މައުލޫމާތު ހިއްސާކުރުމަށް އަންގާފައިވޭ
ޑރ. އިބްރާހީމް އަފްޒަލް ނޫސްވެރިންގެ ބައްދަލުވުމުގައި ވާހަކަ ދައްކަވަނީ
ފެބްރުއަރީ މަހު ދުބާއީގައި އޮތް ގަލްފް ފުޑް އެކްސްޕޯއާ ގުޅިގެން ރާއްޖެއިން ދެ ކޭސް ފާހަގަކުރެވިފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
ނޭޝަނަލް އެމަރޖެންސީ އޮޕަރޭޝަން ސެންޓަރު (އެންއީއޯސީ) އިން ކުރިއަށް ގެންދާ ނޫސްވެރިންގެ ބައްދަލުވުމުގައި އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހީމް އަފްޒަލް ވިދާޅުވީ ޔޫއޭއީ ފުޑް އެކްސްޕޯ އާ ގުޅުންހުރި 2 ކޭސް އެއް ފެނިފައިވާ ކަމަށެވެ.
ޑރ. އަފްޒަލް ވިދާޅުވީ ބައްޔަކުން މީހާ ރަނގަޅުވާއިރު ކޮންމެވެސް ވަރަކަށް އިމިއުނިޓީ ދަށްވެފައި ހުންނާނީ ކަމަށެވެ. އެހެންކަމުން އެފަދަ ހާލަތެއްގައި ހުއްޓާ ރާއްޖެއިން އެމީހަކަށް ކޮވިޑް ޖެހިގެން، ދެ ބަލި ޖެހުމުން މަންޒަރު ފެންނަނީ އެމީހަކަށް ވަރަށް ދިގު މުއްދަތަކަށް ބަލީގެ އަސަރު ހުރި ކަމަށް ކަމަށެވެ.
އެއީ ވެސް ވެދާނެ ގޮތެއް ކަމަށާއި އެކަހަލަ އެއްވެސް ޕެޓާރނެއް ހުރިތޯ ބަލަން ބޭނުންވެވަޑައިގަތް ކަމަށް ޑރ. އަފްޒަލް ވިދާޅުވިއެވެ.
ފެބްރުއަރީ މަހު ދުބާއީގައި އޮތް ގަލްފް ފުޑް އެކްސްޕޯއަށް ދިޔަ މީހުން އެޗްޕީއޭއާ މައުލޫމާތު ހިއްސާކުރުމަށް އަންގާފައިވާއިރު ގަލްފް ފުޑް އެކްސްޕޯ ބާއްވާފައިވަނީ ފެބްރުއަރީ މަހުގެ 16ން 20އަށެވެ.
