މިލަންދޫ އިން ކޮވިޑް-19 އަށް މީހަކު ޕޮޒިޓިވްވެއްޖެ
ފަސް ސާމްޕަލެއް ނެގި
އައިޖީއެމްއެޗް ލެބޯރަޓަރީގައި ކޮވިޑް-19 އަށް ޓެސްޓު ކުރަނީ
ށ. މިލަންދޫއިން ކޮވިޑް-19 އަށް މީހަކު ޕޮޒިޓިވްވެއްޖެއެވެ. އެ ރަށުން މީހަކު ޕޮޒިޓިވްވެފައިވާކަން މިލަންދޫ ސިއްހީ މަރުކަޒުން ވަނީ ރާއްޖެ.އެމްވީ އަށް ކަށަވަރު ކޮށްދީފައެވެ.
އެކަމަކު ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އަދި މިހާތަނަށް އެކަމާއި ގުޅޭ ގޮތުން އެއްވެސް މައުލޫމާތެއް ހާމަކޮށްފައެއް ނުވެއެވެ. މިލަންދޫއިން ޕޮޒިޓިވްވެފައިވާ މީހާއަކީ ށ. ނަރުދޫގެ ''އަމާޒު'' ބޯޓުން ދަތުރުކުރި މީހެކެވެ. ''އަމާޒު'' ބޯޓުގެ ކެޕްޓަންއާ އެކު ނަރުދޫގެ ހަތް މީހަކު ވަނީ ކޮވިޑް-19 އަށް ޕޮޒިޓިވްވެފައެވެ.
މި މަހުގެ 15 ވަނަ ދުވަހު މާލެއިން ފުރައިގެން އުތުރުގެ އަތޮޅުތަކަށް ދަތުރު ކުރި ''އަމާޒް'' ބޯޓުގެ ކެޕްޓަން ކޮވިޑް-19 އަށް ޕޮޒިޓިވްވުމާއި ގުޅިގެން ޕްރައިމަރީ ކޮންޓެކްޓުންގެ ގޮތުގައި 101 ފަރާތެއް ހޯދިފައިވާއިރު ށ. މިލަންދޫ އަކީ މޮނީޓަރިންގެ ހާލަތުގައި ވާ ރަށެކެވެ.
އަމާޒް ބޯޓުގައި 98 މީހަކު ވަނީ ދަތުރުކޮށްފަ އެވެ.
