ރާއްޖެ
ނަރުދޫއިން ކޮވިޑް-19 ފެނުން
ނަރުދޫއިން ހަ މީހަކު ކޮވިޑް-19 އަށް ޕޮޒިޓިވްވެއްޖެ
ނަރުދޫ އޮތީ މޮނިޓަރިންގގެ ހާލަތުގައި
އަލީ ސަމާޚް, ރާއްޖެ އެމްވީ | 28 އެޕްރީލު 2020 | އަންގާރަ 11:46
ށ. ނަރުދޫ
ށ. ނަރުދޫއިން ކޮވިޑް-19 އަށް ހަ މީހަކު ޕޮޒިޓިވްވެއްޖެއެވެ. ނަރުދޫއިން ހަ މީހަކު ކޮވިޑް-19 އަށް ޕޮޒިޓިވްވެފައިވާކަން އެރަށުގެ އިތުބާރު ހުރި ފަރާތަކުން ވަނީ ރާއްޖެ.އެމްވީ އަށް ކަށަވަރުކޮށްދީފައެވެ.
މިއާއެކު އެ ރަށުގައި ކޮވިޑް-19 ޖެހުނު މީހުންގެ ޢަދަދު މި ވަނީ ހަތަކަށް އަރާފައެވެ. ނަރުދޫއިން އެންމެ ފުރަތަމަ ކޮވިޑް-19 އަށް ޕޮޒިޓިވްވެފައިވަނީ އެ ރަށު ''އަމާޒު'' ބޯޓުގެ ކެޕްޓަނެެވެ.
އުމުރުން 49 އަހަރުގެ ކެޕްޓަން ބައްޔަށް ޕޮޒިޓިވްވުމާއެކު ނަރުދޫ ވަނީ މޮނިޓަރިންގގެ ޙާލަތަށް ގެންގޮސްފައެވެ. ''އަމާޒު'' ބޯޓުގެ ޕްރައިމަރީ ކޮންޓެކްޓްސްގެ ގޮތުގައި 101 މީހަކު ހޯދިފައިވާކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ ބުނެފައެވެ.
