ސިފައިންގެ ފަސް މީހަކު ކޮވިޑް-19 އަށްް ވަނީ ޕޮޒިޓިވްވެފަ

މިހާތަނަށް ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރޭގައި ސިފައިންގެ ފަސް މީހުން ހިމެނޭކަމަށް މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ން ހާމަކުރައްވައިފި އެވެ.

ހޯމަ ދުވަހު ކުރިޔަށްދިޔަ ނޫސްވެރިންގެ ބައްދަލުވުމުގައި ކާނަލް ހުސައިން އަލީ ވިދާޅުވީ މިކޭސްތަކާއި ގުޅުންހުރި ސިފައިން ކަރަންޓީނު ކުރަމުންދާ ކަމަށެވެ. ނަމަވެސް ކަރަންޓީނުގައި ތިބި ސިފައިންގެ އަދަދެއް ކާނަލް ހުސައިން އަލީ ސިފައިންގެ ރައްކާތެރި ކަމަށްޓަކައި ކަމަށް ވިދާޅުވެ,ހާމައެއް ނުކުރައްވައެވެ. ކާނަލް ހުސައިން ވިދާޅުވީ ކޮވިޑް-19 ގެ ފްރޮންޓްލައިނަށް ސިފައިން ނިކުތްއިރުވެސް އެކަން ސިފައިންނަށް އެނގޭކަމަށާއި ކަރަންޓީނަށް ދާ ސިފައިން މުއްދަތު ހަމަކުރުމަށްފަހު އަނެއްކާވެސް ޚިދުމަތަށް ގުޅޭނެކަމަށް ކާނަލް ހުސައިން ވިދާޅުވި އެވެ.

Advertisement

އަދި މިފަދަ ކަމެއް ކުރިމަތިވެދާނެ ކަމަށް ސިފައިންގެ ލީޑަރ ޝިޕްވެސް އޮތީ ތައްޔާރަށް ކަމަށް ކާނަލް ހުސައިން ވިދާޅުވި އެވެ.

ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓޫރިޒަމް މިނިސްޓަރ އަަލީ ވަހީދު ވިދާޅުވީ ފްރޮންޓްލައިން ގައި މަސައްކަތްކުރާ ސިފައިންނާއި ފުލުހުން ހިމެނޭ ގޮތަށް 600 ށް ވުރެ މީހުން މިހާރުވެސް ގެއަށް ނުގޮސް އެކަހެރިވެފައިވާ ކަމަށެވެ. އެއީ މި މަސައްކަތުގައި އުޅޭއިރު އާއިލާތަކާ ހަމައަށް ވައިރަސް ގޮސްދާނެތީ ރައްކާތެރިކަމުގެ ފިޔަވަޅެއްގެ ގޮތުން ކަމަށް އަލީ ވަހީދު ވިދާޅުވިއެވެ.

ސިފައިންގެ ޕޮޒިޓިވްވިކަން ހެލްތު ޕްރޮޓެކްޝަން އެޖެންސީ (އެޗްޕީއޭއީ) ން ހާމަކުރީ މިމަހުގެ 21 ވަނަ ދުވަހުއެވެ. އަދި ސިފައިންގެ މީހާއާ ޑައިރެކްޓް ކޮންޓެކްވި 41 މީހަކު ފާހަގަ ކުރެެވިފައިވާކަމަށްވެސް ނޭޝަނަލް އިމަރޖަންސީ އޮޕަރޭޝަން ސެންޓަރ (އެންއީއޯސީ) އިން ވަނީ ބުނެފައެވެ.

މިހާތަނަށް ރާއްޖެއިން ކޮވިޑް-19އަށް 214 މީހަކު ވަނީ ޕޮޒިޓިވް ވެފައެވެ.