ޞިއްޙީ ނުރައްކަލުގެ ކުއްލި ޙާލަތު އިޢުލާނު ކޮށްފައިވަނިކޮށް ހުއްދަ ނުހޯދާ ކުޅުދުއްފުށި ސިޓީއަށް އެރި ދެޒުވާނަކު ފުލުހުން ހައްޔަރު ކޮށްފިއެވެ.
ފުލުހުން ބުނީ ޞިއްޙީ ނުރައްކަލުގެ ކުއްލި ޙާލަތު އިޢުލާނު ކޮށްފައިވަނިކޮށް ހުއްދަ ނުހޯދާ ހދ. ކުރިނބީން ކުޅުދުއްފުށްޓަށް ކެނޯއެއްގައި އައި ދެމީހަކު އާދިއްތަ ދުވަހުގެ ރޭ 23:30 ހާއިރު ކުޅުދުއްފުށީ އެއަރޕޯޓު ޞަރަޙައްދުން ހައްޔަރުކޮށްފައިވާ ކަމަށެވެ.
މިމައްސަލައާ ގުޅިގެން ހައްޔަރު ކޮށްފައިވަނީ 28 އަހަރުގެ ދިވެހި ފިރިހެނަކާ، 21 އަހަރުގެ ދިވެހި ފިރިހެނެއްކަމަށް ފުލުހުން ބުންޏެވެ.
މިމައްސަލަ ފުލުހުން ދަނީ އިތުރަށް ތަޙުޤީޤު ކުރަމުންދާއިރު، ކުޅުދުއްފުށީގައި ކޮވިޑް-19 ފެތުރުމުގެ ބިރު ބޮޑުވެފައިވާތީ މޭއި މަހުގެ އެއްވަަނދުވަހުގެ މެންދުރު 12:00އާ ހަމައަށް ވަނީ ކާފިއުގެ އަމުރު އިޢުލާނުކޮށްފައެވެ.
