18 ވެންޓިލޭޓަރެއް މޭމަހު ގެންނަނީ
25 އެޕްރީލު 2020 | ހޮނިހިރު 17:276 ވެންޓިލޭޓަރެއް ވަނީ މި މަަހުގެ 19 ވަނަ ދުވަހު ގެނެސްފައި
ކޮވިޑް-19 ޖެހޭ މީހުންގެ ތެރެއިން ހާލު ބޮޑުވާ މީހުންނަށް ފަރުވާދޭން ޖެހެނީ ވެންޓިލޭޓަރުގެ އެހީގައި
މޭމަހުގެ ފުރަތަމަ ހަފްތާގައި 18 ވެންޓިލޭޓަރު ރާއްޖެ ގެނައުމުގެ މަސައްކަތް ކުރަމުންދާކަމަށް ސަރުކާރުން ހާމަކޮށްފިއެވެ.
ހޮނިހިރު ދުވަހުގެރޭ ނެޝަނަލް އިމަރޖެންސީ އޮޕަރޭޝަން ސެންޓަރުގައި ނޫސްވެރިންނަށް މައުލޫމާތުދެއްވަމުން އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އެ 18 ވެންޓިލޭޓަރަކީ މެޑް ޓެކް ކުންފުންޏާއި އެކު ސަރުކާރުން ހެދިފައިވާ އެއްބަސްވުމުގެ ދަށުން ގެންނަ ވެންޓިލޭޓަރުތައް ކަމަށެވެ. ސަރުކާރުން ވެންޓިލޭޓަރުތައް ގެނައުމަށްކުރާ މަސައްކަތުގެ ތެރެއިން މި މަހުގެ 19 ވަނަ ދުވަހު ހަ ވެންޓިލޭޓަރެއް ވަނީ ރާއްޖެ ގެނެސްފައެވެ.
މީގެކުރިން ބޭއްވި ކޮންފަރެންސެއްގައި މަބްރޫކް ވިދާޅުވީ، ނާޑް ކުންފުނިން ގެންނަ ވެންޓިލޭޓަރުތައް ވެސް ގެނައުމުގެ މަސައްކަތް ކުރަމުންދާ ކަމަށެވެ.
ކޮވިޑް-19 ޖެހިގެން ހާލުބޮޑުވާ ބަލި މީހުންނަށް މިހާރު ރާއްޖޭގައި ހުރި ވެންޓިލޭޓަރުތައް ބޭނުންކުރާނެ ކަމަށާއި އަދި އެހެން ބަލިތަކުގެ މީހުންނަށް ބޭނުންނުކުރާ ވެންޓިލޭޓަރުތައްވެސް ޚާއްސަ ކުރާނީ ކޮވިޑް-19 ޖެހޭ މީހުންނަށް ކަމަށް މަބްރޫކް ވަނީ ވިދާޅުވެފައެވެ.
