ލޮކްޑައުން އަށް ފަހު ކޮވިޑް19 އާއެކު ދިރިއުޅެން ދަސްކުރޭ: ޑރ. އަފްޒަލް

ލޮކްޑައުން އަށް ފަހު، ކޮވިޑް19 އާއެކު ދިރިއުޅެން ދަސްކުރުމަށް އެޕިޑަމޮލޮޖިސްޓް ޑރ. އިބްރާހިމް އަފްޒަލް ގޮވާލައްވައިފި އެވެ.

ކުރިއަށް އޮތް ދުވަސްތަކުގެ ތެރޭގައި ކޮވިޑް19 އަށް ޕޮޒިޓިވްވާ ކޭސްތަކުގެ އަދަދު އިތުރުވާނެ ކަމަށް އިލްތިމާސްކުރައްވަމުން ޑރ. އަފްޒަަލް ވިދާޅުވީ ލޮކްޑައުންގެ ހާލާތު ނެގުމުން ވެސް ވަރަށް ބޮޑަށް ސަމާލުވާން ޖެހޭ ކަމަށެވެ. އަދި ލޮކްޑައުން އުވާލި ނަމަވެސް، އާންމު ހާލަތަށް ނުވަތަ ކުރީގެ ހާލަތަށް ދާން ގިނަ ދުވަސްތަކެއް ނަގާނެ ކަމަށް ވިދާޅުވި އެވެ.

އެންއީއޯސީގައި ބާއްވަމުން އަންނަ ނޫސްވެރިންގެ ބައްދަލުވުންތަކުގައި ޓެކްނިކަލް އެޑްވައިޒަރީ ގްރޫޕްގައި ހިމެނިވަޑައިގަންނަވާ ޑޮކްޓަރުން އަންނަނީ އާންމު ސާފުތާހިރު ކަމުގެ މިިންގަނޑުތަކަށް އާދަތައް ބެހެއްޓުމަށާއި އިޖުތުމާއި ގައިދުރުކަން ބެހެއްޓުމަށް ކެނޑިނޭޅި އަންނަނީ އިރުޝާދުދެމުންނެވެ.

ދުނިޔޭގެ އެކި ގައުމުތަކަށް ބަލާއިރު، ހާއްސަކޮށް ލޮކްޑައުން އަށް ލުއިތަކެއް ދެމުން އަންނަ ގައުމުތަކުގައި، އާންމުން އަލުން ބޭރަށް ނިކުމެ އުޅެން ހުއްދަ ދެވިގެންދާއިރު ބައެއް ކަންކަމަށް ވަރަށް ބޮޑަށް ސަމާލުވުމަށް ވަނީ އެދިފައެވެ. ހާއްސަކޮށް އިޖުތިމާއި ގައިދުރުކަން ބެހެއްޓުން ފަދަ ކަންކަމާއި، ފޭސް މާސްކު އެޅުން ފަދަ ކަންކަމާއި ގުޅިގެން ދެވިފައިވާ އިރުޝާދުތަކަށް ބޯލެނބުމަށް ވަނީ މަޖުބޫރުކޮށްފަ އެވެ.