ބޭސް ޑެލިވަރީ ކުރުމުގައި ކުރިން އައި ދަތިކަމެއް ދެން ނާންނާނެ: އަމްރު
ކުރިން އައި ދަތިކަމެއް ދެން ނާންނާނެ
އެސްޓީއޯގެ މެނޭޖިންގް ޑިރކްޓަރ ހުސައިން އަމްރު
ބޭސް ޑެލިވަރީ ކުރުމުގައި ކުރިން އައި ދަތިކަމެއް ދެން ނާންނާނެކަމަށް އެސްޓީއޯގެ މެނޭޖިންގް ޑިރެކްޓަރ ހުސެއިން އަމްރު ވިދާޅުވެއްޖެއެވެ.
ރާއްޖެޓީވީގެ 60 މިނެޓްގައި އެސްޓީއޯއިން ރަމަޟާން މަހަށް ވަމުން އަންނަ ތައްޔާރީތަކާއި ބެހޭގޮތުން ވާހަކަ ދައްކަވަމުން އަމްރު ވިދާޅުވީ، ބޭސް ޑެލިވަރީ ކުރުމަށް އެންމެ ފުރަތަމަ އިންތިޒާމްތަށް ހަމަޖެއްސިއިރު ނިންމާފައިވަނީ ވައިބަރ ނަމްބަރަކަށް ޕްރިސްކްރިޕްޝަން ފޮނުވުމުން ލިބޭ ގޮތަށްކަމަށެވެ. އަމްރު ވިދާޅުވީ އެގޮތަށް ހަމަޖެއްސުމުން ލިބުނު ރިކުއެސްޓްތަކުގެ އަދަދުތައް ގިނަވުމާއި ވައިބަރ އަށް ފޮނުވުމުން ބެލެހެއްޓޭނެ އިންތިޒާމްތައް ފެއިލްވިކަމަށެވެ.
އަމްރު ވިދާޅުވީ މިހާރު މިހާރު ވެބްސައިޓް މެދުވެރިކޮށް ބޭސް ސިޓީގެ ފޮޓޯއެއް އަޕްލޯޑް ކުރުމާއިއެކު އެ ރިކުއެސްޓް ލިބޭނެކަމަށާއި ޑެލިވަރީކުރުމުގައިވެސް ކުރިން ދިމާވި ދަތިތަކެއް ކުރިމަތި ނުވާނެކަމަށް އަމްރު ވަނީ ވިދާޅުވެފައެވެ. އަމްރު އިތުރަށް ވިދާޅުވީ، ރަމަޟާން މަހުގެ ފުރަތަމަ ދުވަހަކީ ހުކުރު ދުވަހެއް ނަމަވެސް، ބޭސް ދޫކުރުމުގެ މަސައްކަތް ހެނދުނުއްސުރެން ކުރިޔަށް ދާނެކަމަށެވެ.
މާލޭސިޓީގައި އިއުލާންކޮށްފައިވާ ލޮކްޑައުން އާއި ގުޅިގެން ދިގުމުއްދަތަކަށް ބޭސްކުރާ ފަރާތްތަކާއި އެހެނިހެން ގޮތުން ބޭސްނަގަން ޖެހޭ ފަރާތްތަކަށް ބޭސް ފޯރުކޮށްދިނުމުގެ މަސައްކަތް އަވަސް ކުރުމަށް އެސްޓީއޯއިން އަންނަނީ ގިނަ މަސައްކަތްތަކެއް ކުރަމުންނެވެ.
