އޮންލައިންކޮށް ފައިސާ ދައްކާއިރު އިތުރަށް ސަމާލުވޭ: ބޭންކް
21 އެޕްރީލު 2020 | އަންގާރަ 10:55ފޭކް އޮންލައިން ފޭޕްތަކެއް އެބައުޅޭ
ބީއެމްއެލްގެ މޮބައިލް އޮންލައިން އެޕްލިކޭޝަން
އޮންލައިންކޮށް ޑެލިވަރީ ޚިދުމަތް ހޯދަން ފައިސާ ދައްކާއިރު، އިތުރަށް ސަމާލު ވުމަށް ބޭންކް އޮފް މޯލްޑިވްސް (ބީއެމްއެލް) ން، މިއަދު އިލްތިމާސްކޮށްފި އެވެ.
ބީއެމްއެލުން މިއަދު ބުނެފައިވަނީ،، އަސާސީ ޚިދުމަތްތައް ގެއަށް ޑެލިވަރީ ކޮށްދިނުމުގެ ނަމުގައި ހިންގާ އޮންލައިން ޕޭޖްތަކާއި ސޯޝަލް މީޑިއާގައި ޕޯސްޓްކުރާ ފަރާތްތަކަށް ފައިސާ ފޮނުވުމުގައި އިތުރަށް ސަމާލުވާން ހުރިހާ ކަސްޓަމަރުންނަށް ދަންނަވާ ކަމަށެވެ.
ކާބޯތަކެއްޗާއި އެހެނިހެން އަސާސީ ޚިދުމަތްތަކަށް އޯޑަރ ދެއްވުމަށް ހަމައެކަނި ލިސްޓްކޮށްފައިވާ ވިޔަފާރި ތަކުން އާންމުކޮށްފައިވާ އުސޫލްތަކާ އެއްގޮތަށް، އަމަލު ކުރެއްވުމަށްވެސް ބީއެމްއެލުން. ކަސްޓަމަރުންނަށް ވަނީ އިލްތިމާސްކޮށްފަ އެވެ.
ރާއްޖޭގައި ސައިބަރ ކްރައިމް ހިންގާ ފަރާތްތައް ދުވަހުން ދުވަހަށް އިތުރުވަމުންދާއިރު، މިފަދަ ހައްސާސް ދަނޑިވަޅުތަކުގައި އެފަދަ ފަރާތްތަކުން މިފަދަ އަމަލުތައް ހިންގާލެއް އިތުރުކަން ފާހަގަކުރެވެ އެވެ.
ކޮވިޑް-19 ރާއްޖޭގައި ފެތުރެމުންދާތީ، ނޭޝަނަލް އެމަޖެންސީ އޮޕަރޭޝަން ސެންޓަރުން ގެންދަނީ ހަރުދަނާ ފިޔަވަޅުތަކެއް އަޅަމުން ނެެވެ. ޚާއްސަކޮށް މާލެ ސަރަހައްދުގައި ކޮވިޑް-19 ފެރުތެމުންދާތީ މާލެ ސަރަހައްދު ވަނީ ލޮކްޑައުން ކޮށްފަ އެވެ. އެކަމާގުޅިގެން ގޭގައި ތިބެގެން ގިނަ ބަޔަކު ގެންދަނީ އޮންނައިންކޮށް ޑެލިވަރީ ޚިދުމަތް ހޯދަމުންނެވެ. އަދި ފައިސާ ދައްކާއިރު، ނަގުދު ފައިސާ ބޭނުން ކުރުމުގެ ބަދަލުގައި އޮންލައިންކޮށް، ފައިސާ ދައްކަން، މި ޚިދުމަތްދޭ ގިނަ ފަރާތްތަކުން ގެންދަނީ އެދެމުންނެވެ.
ފައިސާ ނޫޓަކީ ވެސް ކޮރޯނާވައިރަސް ފެތުރުމުގައި މެދުވެރިވާ ވަސީލަތްތަކުގެ ތެރޭގައި ހިމެނޭ އެއްޗެކެވެ. ކޮރޯނާވައިރަސް ފައިސާއަށް އަރާފައިވާނަމަ، އެފައިސާ ދައުރުވާއިރު، އެހެން މީސްމީހުންނަށް ވައިރަސް އެރުމުގެ ފުރުސަތު ވަރަށް ބޮޑުކަމަށް، ސިއްޙީ ޚިދުމަތްދޭ ފަރާތްތަކުން ބުނެއެވެ. އެހެންކަމުން އޮންލައިންކޮށް، ފައިސާގެ މުއާމަލާތް ކުރުމަށް އެފަރާތްތަކުން ދަނީ އެދެމުން ނެެވެ.
