ގަވާއިދާ ޚިލާފަށް އުޅެމުންދިޔަ ބަންގްލަދޭޝްގެ 68 މީހަކު އަނބުރާ ގައުމަށް ގޮސްފި
21 އެޕްރީލު 2020 | އަންގާރަ 09:39އެމީހުން ރާއްޖެއިން ފުރީ ހޯމަ ދުވަހު
ނޭޕާލާއި ބަންގްލަދޭޝް އިން ރާއްޖެއައި ދިވެހިން އަދި ބަންގްލަދޭޝްގެ އަސްކަރިއްޔާ
ގަވާއިދާ ޚިލާފަށް ރާއްޖޭގައި އުޅެމުންދިޔަ ބަންގްލަދޭޝްގެ 68 މީހަކު އަނބުރާ ގައުމަށް ގޮސްފިއެވެ.
ފޮރިން މިނިސްޓްރީން ބުނީ ގަވާއިދާ ޚިލާފަށް ރާއްޖޭގައި އުޅެމުންދިޔަ ބަންގްލަދޭޝްގެ 68 މީހަކު އަންގާރަ ދުވަހުގެ ހެނދުނު އަނބުރާ އެޤައުމަށް ގޮސްފައިވާ ކަމަށެވެ.
އެމީހުން ރާއްޖެއިން ފުރީ ހޯމަ ދުވަހު ރާއްޖެ އައި ބަންގްލަދޭޝްގެ އެއަރފޯސް މަތިންދާބޯޓުގައި ކަމަށެވެ.
މިއީ ރާއްޖޭގައި ގަވާއިދާ ޚިލާފަށް އުޅެމުންދާ ފަރާތްތައް އަނބުރާ އެމީހުންގެ ގައުމުތަކަށް ފޮނުވާލުމަށް ފޮރިން މިނިސްޓްރީ އާއި އިކޮނޮމިކް މިނިސްޓްރީ ގުޅިގެން ހިންގުނު މަސައްކަތުގެ ދަށުން ކުރެވެނު މަސައްކަތެކެވެ.
ކުރިއަށް އޮތްތަނުގައިވެސް މިމަސައްކަތް ކުރިއަށްދާނެ ކަމަށް ފޮރިން މިނިސްޓްރީން ބުނެއެވެ.
