އެޗްޕީއޭގެ އެންގުމާއި ހިލާފުވި ދެ މީހަކު ފުލުހުންގެ ބެލުމުގެ ދަށަށް
20 އެޕްރީލު 2020 | ހޯމަ 21:45ދެ މީހަކު ވަނީ ކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެނެސްފައި
ފުލުހުން މަގުތަކުގައި ހަރަކާތްތެރިވަނީ
ރާއްޖޭގައި އިއުލާންކޮށްފައިވާ ސިއްހީ ކުއްލި ނުރައްކަލުގެ ހާލަތއި ޑިރެކްޓާރ ޖެނެރަލް އޮފް ޕަބްލިކް ހެލްތުގެ އެންގެވުމާއި ހިލާފަށް އަމަލުކުރި ދެ މީހަކު ފުުހުންގެ ބެލުމުގެ ދަށަށް ގެނެސްފިއެވެ.
މިކަމާއިގުޅޭގޮތުން ފުލުހުން ބުނެފައިވަނީ، ޑިރެކްޓަރ ޖެނެރަލް އޮފް ޕަބްލިކް ހެލްތްގެ އެންގެވުމާއި ހިލާފަށް ހއ. އަތޮޅު މުރައިދޫއިން ބާރަށަށް ގޮސް އެނބުރި މުރައިދޫ އަށް ދިޔަ މީހަކު ކޯޓު އަމުރެއްގެ ދަށުން އޭޕްރީލް މަހުގެ 20 ވަނަ ދުވަހުގެރޭ 11:36 ހާއިރު ހައްޔަރުކޮށްފައިވާކަމަށެވެ. ފުލުހުން ބުނީ މި މައްސަލައާއި ގުޅިގެން ހައްޔަރުކޮށްފައިވަނީ އުމުރުން 39 އަހަރުގެ ދިވެހި ފިރިހެނެއްކަމަށެވެ.
މީގެއިތުރުން، އެޗްޕީއޭއިން 18 އޭޕްރީލްގައި ގައި ވަނީ މާލެ, ހުޅުމާލެ، ވިލިމާލެ، ގުޅީފަޅު، ތިލަފުށިން ދިވެހި ރާއްޖޭގެ ރަށަކަށް ދަތުރުކޮށްފައިވާ ފަރާތްތައް އެކަހެރިވުމަށް އަންގާފައިވާ އެންގުމާއި ހިލާފަށް ގެއިން ބޭރަށް ނިކުމެ އުޅުނު 27 އަހަރުގެ ދިވެހި ފިރިހެނެއް ކ އަތޮޅު ގާފަރުން ހައްޔަރުކޮށްފައިވާކަމަށެވެ.
މި ދެ މައްސަލަވެސް ފުލުހުން ދަނީ އިތުރަށް ތަހުގީގުކުރަމުންނެވެ.
