ލޮކްޑައުންގެ ވަގުތުގައި ބޭރަށް ނިކުތް 3 މީހަކު ހައްޔަރުކޮށް، 68 މީހަކު ޖޫރިމަނާކޮށްފި
20 އެޕްރީލު 2020 | ހޯމަ 20:03ޑެލިވަރީގެ ހިދުމަތް ދިނުމަށް ހޯމަ ދުވަހު 215 ވެހިކަލް ސްޓިކާ ދޫކުރެވިފައިވޭ
ފުލުހުން މާލޭގެ މަގުމަތީގައި ހަރަކާތްތެރިވަނީ
މާލެ ސަރަހައްދުގައި ކޮވިޑް-19 ފެތުރެމުންދިއުމާއި ގުޅިގެން އިއުލާންކޮށްފައިވާ ލޮކްޑައުންގެ އެންގުމާއި ހިލާފަށް މަގުތަށް ނިކުތް 3 މީހަކު ހައްޔަރުކޮށްފި އެވެ.
ފުލުހުން ބުނީ ހޯމަ ދުވަހު އެކަނިވެސް 3 މީހަކު ފުލުހުން ހައްޔަރުކޮށްފައިވާކަމަށެވެ. އަދި 68 މީހަކު ޖޫރިމަނާކޮށްފައިވާކަމަށް ފުލުހުން ބުންޏެވެ.
އޭގެއިތުރުން ފުލުހުން ބުނީ، ޑެލިވަރީގެ ހިދުމަތް ދިނުމަށް ހޯމަ ދުވަހު 215 ވެހިކަލް ސްޓިކާ ދޫކުރެވިފައިވާކަމަށެވެ. އަދި 3687 ފަރާތަކަށް ޑެލިވަރީކުރުމުގެ ހުއްދަދެވިފައިވާކަމަށް ފުލުހުން ބުންޏެވެ.
އޭޕްރީލް މަހުގެ 15 ވަނަ ދުވަހު އިއުލާންކުރި ލޮކްޑައުންގެ މުއްދަތު މެއި މަހުގެ 1 ވަނަ ދުވަހުގެ ނިޔަލަށް ވަނީ އިތުރުކޮށްފަ އެވެ. ފުލުހުން ބުނީ ލޮކްޑައުންކޮށްފައިވާ ވަގުތުތަކުގައި ހުއްދަ ނެތް ފަރާތްތަކުން މަގުތަކަށް ނިކުތުމަކީ މަނާކަމެއް، އެފަދަ ފަރާތްތަކާއި މެދު ފުލުހުން ހަރުކަށި ފިޔަވަޅު އަޅާނެކަމަށެވެ. އަދި ލޮކްޑައުންގެ އެންގުމާއި ހިލާފުވާނަމަ ޖޫރިމަނާކޮށް، ހައްޔަރުކޮށް، ކަރަންޓީންވެސްކުރާނެކަމަށް ފުލުހުން މީގެކުރިން ބުނެފައިވެއެވެ.
