އިހުސާން ފިހާރައިގައި މަސައްކަތްކުރާ ދެމީހުން ކޮވިޑް-19 އަށް ޕޮޒިޓިވްވެފައިވާއިރު އެ މީހުން އުޅުނު ލޭބަރ ކުއަރޓަރގައި 16 މީހުން އުޅޭ ކަމަށް އިހުސާން ކޮމްޕެނީ ޕްރައިވެޓް ލިމިޓެޑްގެ މެނޭޖިންގް ޑިރެކްޓަރ އަހުމަދު ނިހާދު ވިދާޅުވެއްޖެއެވެ.
ރާއްޖެޓީވީން ކޮވިޑް-19 އާއި ގުޅިގެން ގެނެސްދެމުންދާ ޚާއްސަ ކަވަރޭޖަށް ފޯނުން ދެއްވި ޚާއްސަ އިންޓަރވިއުގައި ނިހާދު ވިދާޅުވީ ޕޮޒިޓިވް ވި ދެމީހުން އުޅުނު ކުއަރޓަރގައި ހަތަރު ކޮޓަރީގައި 16 މީހުން އުޅޭ ކަމަށް ލަފާކުރެވޭ ކަމަށެވެ.
އެތާގައި އަޅުގަނޑަށް ލަފާކުރެވޭ ގޮތުން 16 ވަރަކަށް މީހުން އުޅޭނެ 4 ކޮޓަރީގައިއިހުސާން ކޮމްޕެނީ ޕްރައިވެޓް ލިމިޓެޑްގެ މެނޭޖިންގް ޑިރެކްޓަރ އަހުމަދު ނިހާދު
މީގެ އިތުރުން ނިހާދު ވިދާޅުވީ ޑެލިވަރީގެ ޚިދުމަތް ދިނުމަށް ޕްރޮންޓްލައިންގައި ހަރަކާތްތެރިވީ ވޮލެންޓިއަރުން ކަމަށެވެ. ޖުމްލަ 20 ފަރާތެއް ފްރޮންޓްލައިންގައި ހަރަކާތްތެރިވިއިރު އެންމެންނަށް ވެސް އޮތް ރިސްކު އެނގޭނެ ކަމަށެވެ. އަދި ޑެލިވަރީ ކުރަނީ އަޅަންޖެހޭ ރައްކާތެރިކަމުގެ ފިޔަވަޅުތައް އަޅައިގެން ކަމަށާއި ޑެލިވަރީ ކުރި ހުރިހާ އެންމެންވެސް ތިބޭނީ މާސްކާއި އަންގި އަޅައިގެން ކަމަށެވެ.
ނިހާދު ވަނީ މި ދަނޑިވަޅުގައި މަސައްކަތްކުރި ހުރިހާ މުވައްޒަފުންނަށް ޝުކުރު އަދާކުރައްވާފައެވެ.
