ކޮންޓެކްޓް ޓްރޭސިންގގެ މަސައްކަތްތަކުން 903 މީހަކު ވަނީ ފާހަގަކުރެވިފައި
152 އިމާރާތެއް މޮނީޓަރިންގގެ ހާލަތަށް ގެނެވިފައިވޭ
މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ކޮވިޑް-19 ޓާސްކްފޯހުގެ ތަރުޖަމާނު މަބްރޫކު އަޒީޒް ވާހަކަ ދައްކަވަނީ
ކޮންޓެކްޓް ޓްރޭސިންގގެ މަސައްކަތްތަކުން 903 މީހަކު ފާހަގަކުރެވިފައިވާ ކަމަށް ކޮވިޑް-19 ޓާސްކް ފޯހުގެ ތަރުޖަމާނު މަބްރޫކު އަޒީޒް ވިދާޅުވެއްޖެއެވެ.
ހޯމަ ދުވަހު ނެޝެނަލް އެމަޖެންސީ އޮޕަރޭޝަން ސެންޓަރުގައި އޮތް ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ކޮންޓެކްޓް ޓްރޭސިންގގެ މަސައްކަތް ކުރިއަށްދާއިރު 152 އިމާރާތެއް/އެޕާޓްމަންޓް މޮނީޓަރިންގގެ ހާލަތަށް ގެނެވިފައިވާ ކަަމަށެވެ.
މީގެ އިތުރުން ވިލިވަރު ކަރަންޓީން ފެސިލިޓީގައި ތިބި 3 މީހެއް ހޯމަ ދުވަހު ދޫކޮށްލެވިފައިވާ ކަމަށް ވެސް މަބްރޫކް ވިދާޅުވިއެވެ.
މިހާތަނަށް ރާއްޖޭގައި ޕޮޒިޓިވްވި ކޭސްތަކުގެ އަދަދު ވަނީ 40ށް އަރާފައެވެ. މީގެ ތެރޭގައި ހިމެނެނީ މާލެއިން ޕޮޒިޓިވް 26 ދިވެހިންނާއި 34 ބިދޭސީ މީހުންނެވެ.
ރާއްޖެއިން ކޮވިޑް-19 ގެ މުޅި ޖުމްލަ 60 ކޭސް މިހާތަނަށް ވަނީ ފެނިފައެވެ.
