މި ދެ މީހުން ނިސްބަތްވަނީ ބްރައިޓް ބްރާދާސް ކުންފުންޏަށް
އައިޖީއެމްއެޗް ލެބޯޓްރީގައި ކޮރޯނާވައިރަސް އަށް ޓެސްޓްތައް ހަދަނީ
ވައިރަސްއަށް ޕޮޒިޓިވްވި އިންޑިއާ ދެ ރައްޔިތުންނަކީ އޭސީ ޓެކްނީޝަނުން ކަމަށާއި އެ ދެމީހުން ގޭގެއަށް އޭސީ ހަދަން ގޮސްފައިވާކަން ހާމަވެއްޖެއެވެ.
އާދިއްތަ ދުވަހު ނޭޝަނަލް އެމަރޖެންސީ އޮޕަރޭޝަންސް ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. ނަޒްލާ ރަފީޤް ވިދާޅުވީ އިންޑިއާ މި ދެ މީހުންނަކީ ކޭސް 28 (47 އަހަރުގެ ދިވެހި ފިރިހެނެއް) އާ ގުޅިފައިވާ ދެ މީހުން ކަމަށެވެ. އަދި މި ދެ މީހުން މަސައްކަތް ކުރަނީ ބްރައިޓް ބްރާދާސް ކުންފުނީގައި ކަމަށް ވަނީ މައުލޫމާތު ދީފައެވެ.
ޑރ. ނަޒްލާ އިތުރަށް ވިދާޅުވީ މި ދެ މީހުންގެ އެއްވެސް އަލާމާތެެއް ނެތް ކަަމަށާއި އެ މީހުން ޓެސްޓް ކުރީ ކޭސް 28 އާ ގުޅިފައި ތިބި ހައި ރިސްކް ކޮންޓެކްޓަށް ވުމުން ކަމަށެވެ.
އެއްވެސް ފަރާތަކުން ފަހުގެ ތާރީޚެއްގައި ބްރައިޓް ބްރަދާސް އިން އޭސީގެ ހިދުމަތް ހޯދާފައިވާނަމަ، އެ މައުލޫމާތު ކަމާބެހޭ ފަރާތަށް ހިއްސާ ކުރުމަކީ މުހިންމު ކަމެކެވެ. އަދި އެ ދެ ޓެކްނީޝަނުންނާއި ވެސް ޑައިރެކްޓް ކޮންޓެކްޓްވެފައިވާނަމަ އެ މައުލޫމާތު ވެސް ލަސްނުކޮށް އެޗްޕީއޭއާއި ހިއްސާކުރަމުން ގެންދިއުން މިވަގުތު މުހިންމެވެ.
